د عاشورا پیغام؛ تل د ظلم سره مبارزه وکړو او هغه ته تسلیم نشو

farzad_moicgovaf
دوشنبه ۱۴۰۱/۵/۱۷ - ۱۲:۴۶
د عاشورا پیغام؛ تل د ظلم سره مبارزه وکړو او هغه ته تسلیم نشو

نن د محرم لسمه د اسلام ستر پیغمبر د لمسي امام حسین د شهادت کالیزه ده، هغه مېړنی چې د بې عدالتۍ پر وړاندې ودرېد او بشریت ته یې د مېړانې او سرښندنې لوست ور زده کړ.
د محرم لسمه او یا د عاشورا ورځ د مسلمانانو په ژوند کې ځانګړی ارزښت لري په دې ورځ د اسلام ستر پیغمبر لمسی حضرت امام حسین د یزید د تحجر او ځان غوښتنې په وړاندې چې د اسلام ستر پیغمبر نبي اکرم (ص) څخه مسلمانانو ته په میراث پاتې و دفاع وکړي.
امام په هغه وخت کې د بدعت او د نا مناسب حالت د بدلون د مخنیوي غوښتنه کوله. هغه د اسلامي اصیلو ارزښتونو له لرې کېدو سره مخالف و او د مطلوب سیاسي نظام د ټینګښت چې په اسلام او د قران په اصیلو زده کړو کې طرحه شوی و غوښتنه کوله.
د محرم په لسمه امام حسین او د هغه وفادار یاران د یزید د ځواکونو په وړاندې په یوه نا برابره خو حق غوښتونکې جګړه کې شهیدان شول او تل پاتې کارنامه یې پرېښود چې کولای شو هغه د یزید د ځان غوښتنې او وړتیا غوښتنې په وړاندې د سرښندنې او میړانې درس وبلو. هغه عاشورا رامنځته کړه او هغه یې د عدالت غوښتونکو په غږ بدل کړ او همیشنی یادګار یې پرېښود.
امام له عاشورا څخه د مینې، مقاومت، خپلواکۍ، سرښندنې او د میړانې درس په توګه موږ ته تعریف کړ چې د ارادې هر خاوند انسان غواړي عاشورايي شي، حقبین او عدالت غوښتوونکی پاتې شي.
موږ ته د عاشورا پیغام دا دی چې په تل ظلم او ستم سره وجنګېږو او هغه ته تسلیم نشو، هغه پاڅون چې موږ ته وښودله عدالت غوښتونکي او حق غوښتونکي پاتې شو او سلطه ګرايي نفې کړو.
عاشورا څرګنده درسونه لري چې باید هغه زده او رعایت کړو، عاشورا باید په اصیلې فلسفې سره په ځان او ټولنې تطبیق کړو او له هر راز خرافاتو او افراطیت څخه ډډه وکړو.

کابل، د زمري ۱۷ مه، باختر

 

تازه خبرونه

چهارشنبه ۱۴۰۱/۷/۶ - ۱۵:۰
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

چهارشنبه ۱۴۰۱/۷/۶ - ۱۴:۰
Background image

نمایشگاه آثار هنری ” نقاشی و رسامی نفس تازه” افتتاح شد

مولوی سعد الدین سعید معین مالی، اداری و گرځندوی وزارت اطلاعات وفرهنگ، امروز نمایشگاه آثار هنری ” نقاشی و رسامی نفس تازه” را در نگارستان ملی افتتاح کرد .

به گزارش خبرنگار آژانس باختر؛. . .

سه‌شنبه ۱۴۰۱/۷/۵ - ۱۶:۰
Background image

اطلاعاتو او فرهنګ وزارت د ګرځندوی نړېواله ورځ ونمانځله

د رياست الوزرا اداري مرستیال مولوي عبدالسلام حنفي د ګرځندوی د نړیوالې ورځې په نمانځغونډه کې وویل چې اوس په افغانستان کې د ګرځندوی او د ګرځندوی صنعت د ودې لپاره ښه زمینه برابره شوې ده.

. . .

BACK TO NEWS