د اطلاعاتو او فرهنګ وزارت د افغانتور تصدۍ نوى رييس معرفي شو

farzad
شنبه ۱۳۹۹/۷/۱۹ - ۱۰:۲۸
د اطلاعاتو او فرهنګ وزارت د افغانتور تصدۍ نوى رييس معرفي شو

د اطلاعاتو او فرهنګ وزارت نوماند وزیر او سرپرست محمد طاهر زهير نن د افغانتور تصدۍ نوى رييس د دغه وزارت مسوولینو او کارکوونکو ته معرفي کړ. د باختر آژانس خبريال د خبر له مخې؛ په همدې مناسبت د اطلاعاتو او فرهنګ وزارت د فرهنګ او هنر معين پوهاند محمد رسول باوري، د دغه وزارت د رييسانو، کارکوونکو او د يوشمېر دولتي بنسټونو د مسوولینو په شتون غونډه جوړه شوه. په دې غونډه کې د اطلاعاتو او فرهنګ وزارت د بشري سرچینو رييس احمد ضيا انوري، د افغانتور تصدۍ د رييس په توګه د سېد ايمل جلال د ټاکنې په اړوند د هېواد د جمهوررييس حکم ولوست. وروسته د اطلاعاتو او فرهنګ وزارت سرپرست د افغانتور تصدۍ نوي رييس سېد ايمل جلال د دغه وزارت مسوولينو او کارکوونکو ته معرفي کړ. هغه څرګنده کړه چې په يوه اداره کې ادلون او بدلون او مثبت تحول يو قانوني اصل دى او د قانون له مخې په ادارو کې د چارو د ښه والي په موخه د قانون مطابق بدلونونه رامنځته کېږي. د اطلاعاتو او فرهنګ وزارت سرپرست د افغانتور تصدۍ نوي رييس ته په چارو کې د برياليتوب هيله وکړه. دغه راز هغه د افغانتور تصدۍ د مخکېني رييس احمد فردين ضيايي کارونه په قدردانۍ سره ياد کړل. وروسته سيد ايمل جلال په خپلو خبرو کې په دغه بست کې د هېواد د جمهور رييس له اعتماد او باور او د اطلاعاتو او فرهنګ وزارت له مشرتابه څخه مننه وکړه او د توريزم د پراختيا، د سيلانيانو د جلبولو او د افغانتور تصدۍ د عوايدو د زياتوالي د پروګرامونو په اړه معلومات ورکړل. هغه ژمنه وکړه چې د اطلاعاتو او فرهنګ وزارت د مشرتابه او همکارانو په همغږۍ، د افغانتور تصدۍ د چارو د ښه والي په خاطر به هلې ځلې وکړي.

کابل / د تلې ۱۹ مه / باختر

تازه خبرونه

چهارشنبه ۱۳۹۹/۷/۳۰ - ۹:۴۴
Background image

په بلخ کې د شاعرانو او ليکوالانو ټولنه جوړه شوه

د ځوانو شاعرانو او ليکوالانو ټولنې نن په بلخ کې په فعاليت پيل وکړ. دغه ټولنه د اطلاعاتو او فرهنګ وزارت د ځوانانو د چارو معينيت په همکارى په مزارشريف ښار کې د مولانا خال محمد خسته د. . .

چهارشنبه ۱۳۹۹/۷/۳۰ - ۹:۴۰
Background image

پوهاند محمد رسول باوري د هېواد د ناملموس فرهنګي ميراثونو د ثبت د بهير په ګړندي کولو ټينګار وکړ

د اطلاعاتو او فرهنګ وزارت د فرهنګ او هنر معين پوهاند محمد رسول باوري په مشرۍ نن د فرهنګي ناملموسو ميراثونو کمېټې غونډه وکړه .
د باختر اژانس د خبريال د خبرله مخې؛  په دې غونډه کې  د. . .

چهارشنبه ۱۳۹۹/۷/۳۰ - ۹:۳۳
Background image

فدا: د ازبکي ژبې نمانځل د افغان قومونو یووالی ثابتوي

کونړیان وايي چې د ازبکي ژبې نمانځل په افغانستان کې د مېشتو قومونو یووالی ثابتوي او د هېواد  د هرې ژبې ویونکی افغان دی.
د باختر اژانس د سیمه ييز خبریال د خبر له مخې؛ دغه څرګندونې د کونړ. . .

BACK TO NEWS