دولت شاه ولسوالۍ کې د امارت پېژندنې سیالۍ پایلې اعلان شوې

tawana_admin
پنجشنبه ۱۴۰۳/۴/۲۱ - ۱۱:۱۷
999

چهارشنبه ( ۴ محرم الحرام ۱۴۴۶ ) د لغمان ولايت په دولت شاه ولسوالۍ کې د اطلاعاتو او کلتور ریاست له لوري د بیلابیلو ښوونځیو شاوخوا(۱۵۰) تنو زده کوونکو څخه څه موده وړاندې د امارت پېژندنې کتاب آزموینه اخیستل شوې وه، نن یې د يوې غونډې په ترڅ کې پایلې اعلان او غوره ګډونوالو ته ډالۍ وويشل شوې.
په ياده غونډه کې د اطلاعاتو او کلتور رئیس مولوي عبدالنور رسولي د ښه راغلاست ترڅنګ وویل: د داسې سیالیو موخه او هدف نوي نسل ته د اسلامي امارت ورپېژندل، له موخو یې خبرول، مطالعې سره بلدتیا او د نظام اړوند معلومات ورکول دي.
نوموړي زیاته کړه؛ د سیالۍ مخکښو او بریاليو زده کوونکو ته به جایزې ورکړل شي، ترڅو نور ځوانان هم تشویق او داسې سیالیو کې برخه واخلي.
ښاغلي رسولي پر ځوانانو غږ وکړ، چې الله جل جلاله مونږ ته داسې یو اسلامي نظام راکړی، چې ساری یې په نړۍ کې نشته، پکار ده چې د دې نظام بشپړ ملاتړ وکړئ او هیچا ته دا اجازه ورنکړئ، چې د شته نظام پر وړاندې ستونزې راولاړې کړي.
د غونډې په ورستیو کې د یادې سیالۍ لومړي او دوهم مقام ګټوونکو ته لپ ټاپ کمپیوټرونه او هغه مسؤلینو ته چې په یاده آزموینه کې يې د اطلاعاتو او کلتور ریاست سره همکاري کړې وه، ستاينليکونه ورکړل شول.

۱۴۰۳/۴/۲۱ ھ ل 
۲۰۲۴/۷/۱۱ ميلادي

تازه خبرونه

چهارشنبه ۱۴۰۳/۵/۳ - ۱۶:۱۸
Background image

غور کې له لسګونو ځوانانو د کمپيوټر ازموينه واخيستل شوه

چهارشنبه (۱۸ د محرم الحرام ۱۴۴۶) د غور ولايت د اطلاعاتو او کلتور رياست د ځوانانو چارو آمريت د ښوونيز مرکز له لسګونو تنو زده کوونکو د کمپيوټر زده کړو ازموينه واخيسته.
د امتحان ااخستنې. . .

چهارشنبه ۱۴۰۳/۵/۳ - ۱۶:۱۶
Background image

ځوانانو ته د یووالي، اتحاد او فکري ویښتیا یو ورځنۍ سمینار ترسره شو

چهارشنبه ( ۱۸ د محرم الحرام ۱۴۴۶ ) د روزګان ولایت د اطلاعات او کلتور ریاست له لوري ځوانانو ته د یووالي، اتحاد او فکري ويښتیا په موخه یو ورځنۍ سمینار ترسره شو.
یاد سمینار کې محلي مسؤلینو. . .

چهارشنبه ۱۴۰۳/۵/۳ - ۱۵:۳۲
Background image

د مس عینک په کان کې شته لرغوني اثار به په خوندي توګه ساتل کیږي

چهارشنبه ( ۱۸ د محرم الحرام ۱۴۴۶) د اطلاعاتو او کلتور وزیر ملا خیرالله خیرخواه صاحب د لوګر په محمداغې ولسوالۍ کې د مس‌عینک کان د استخراج عملي چارو د پیل په مراسمو کې د یاد کان استخراج. . .

BACK TO NEWS