دخواخوږۍ پيغام

farzad
یکشنبه ۱۳۹۹/۶/۲۳ - ۹:۵۹
دخواخوږۍ پيغام

د هرات د اطلاعاتو اوفرهنګ رياست د اطلاعاتو د آمر نور احمد کريمي د مړينې په اړوند د اطلاعاتو او فرهنګ وزارت د مشرتابه د خواخوږۍ او غمشريکۍ پيغام په ژورې خواشينۍ سره مو د هرات د اطلاعاتواوفرهنګ رياست د اطلاعاتو د آمر نور احمد کريمي د ناڅاپي مړينې خبر ترلاسه کړ. نور احمد کريمي د هرات د لرغونې اوتاريخي ولايت ځوان فرهنګي، رسانه يي، خلاق او نوښتګر شخصيت و. هغه له اتو کلونوراپديخوا د هرات د اطلاعاتواوفرهنګ رياست د اطلاعاتو د آمر په توګه دنده ترسره کړه او له دولتي دندې برسېره د دوربين د فرهنګي او څېړنيز مرکز بنسټ اېښودونکى و او په ليکوالۍ کې يې هم ځانګړي مهارتونه درلود. ارواښاد کريمي په کابل کې د مطبوعاتو د سترنندارتون د جوړولو يو نوښتګر و او د دغه جالب او له محتوا ډک نندارتون په جوړولوکې له هرات او د اطلاعاتواوفرهنګ په وزارت کې له خپلو همکارانو سره يوځاى نه ستړې کېدونکي هلې ځلې وکړې او دغه نندارتون په ښه اوبريالى ډول د کابل ښار په بابر بڼ کې جوړشو. د اطلاعاتو اوفرهنګ وزارت مشرتابه د نور احمدکريمي فرهنګي او رسانه يي کارونو ته د قدر په سترګه ګوري اود هغه ناڅاپي مړينه يوه ضايعه بولي او د الله ( ج ) له دربار څخه ارواښاد ته د فردوس جنت کورنى، خپلوانو، د هرات د اطلاعاتواوفرهنګ په رياست کې د هغه همکارانواود فرهنګ او رسنۍ د برخې ټولو فعالانو ته د صبر او زغم هيله کوي.

کابل / د وږي ٢٣مه /باختر

تازه خبرونه

چهارشنبه ۱۳۹۹/۷/۳۰ - ۹:۴۴
Background image

په بلخ کې د شاعرانو او ليکوالانو ټولنه جوړه شوه

د ځوانو شاعرانو او ليکوالانو ټولنې نن په بلخ کې په فعاليت پيل وکړ. دغه ټولنه د اطلاعاتو او فرهنګ وزارت د ځوانانو د چارو معينيت په همکارى په مزارشريف ښار کې د مولانا خال محمد خسته د. . .

چهارشنبه ۱۳۹۹/۷/۳۰ - ۹:۴۰
Background image

پوهاند محمد رسول باوري د هېواد د ناملموس فرهنګي ميراثونو د ثبت د بهير په ګړندي کولو ټينګار وکړ

د اطلاعاتو او فرهنګ وزارت د فرهنګ او هنر معين پوهاند محمد رسول باوري په مشرۍ نن د فرهنګي ناملموسو ميراثونو کمېټې غونډه وکړه .
د باختر اژانس د خبريال د خبرله مخې؛  په دې غونډه کې  د. . .

چهارشنبه ۱۳۹۹/۷/۳۰ - ۹:۳۳
Background image

فدا: د ازبکي ژبې نمانځل د افغان قومونو یووالی ثابتوي

کونړیان وايي چې د ازبکي ژبې نمانځل په افغانستان کې د مېشتو قومونو یووالی ثابتوي او د هېواد  د هرې ژبې ویونکی افغان دی.
د باختر اژانس د سیمه ييز خبریال د خبر له مخې؛ دغه څرګندونې د کونړ. . .

BACK TO NEWS