امیرالمؤمنین شیخ مولوي هبة ‌الله اخندزاده د قندهار ولایتي ادارې له رئیسانو سره وکتل

zama
چهارشنبه, دسمبر 15 2021 9:38 AM
Mullah Habatullah Akhunzada

امیرالمؤمنین شیخ مولوي هبة الله اخندزاده په داسې حال کې د قندهار د ټولو ریاستونو او ادارو له رئیسانو سره وکتل چې پرمهال یې د حج او اقافو وزیر شیخ مولوي‌ نورمحمد ثاقب، د قندهار والي  محمد یوسف وفا او یوشمېر نورو مسوولینو هم حضور درلود.

د باختر آژانس د خبر له مخې؛ په دې غونډه کې د حج او اقافو وزیر شیخ مولوي نورمحمد ثاقب وویل چې ټول افغانان باید د خدای ج شکر ادا کړي؛ ځکه افغانستان د کفارو له اشغاله خلاص شو او اوس ټول افغانان په امن او عزت کې ژوند کوي.

په همدې حال کې امیرالمؤمنین شیخ مولوي هبة ‌الله اخندزاده د ټولو ریاستونو او ادارو رییسانو ته په بېلایبلو برخو کې سپارښتنې وکړې.

امیرالمؤمنین شیخ مولوي هبة الله اخندزاده وویل چې دا د خدای ج لوی نعمت دی چې فتحه راغله او خدای ج له جګړو خلاص کړو. په خبره یې اوس په ټول افغانستان کې شپه او ورځ په بشپړه توګه امنیت ډاډمن دی او ټول افغانان په خوښۍ کې ژوند تېروي.

امیرالمؤمنین شیخ مولوي هبة ‌الله اخندزاده زیاته کړه د افغانستان اسلامي مارت داسې جوړ دی چې ټول لوړ رتبه او ټیټ رتبه مسوولین او مامورین یې د همدې هېواد او خاورې دي، ټول دلته په دې خاوره کې اوسېږي او په بشپړه توګه اسلام، هېواد او ولس ته ژمن دي.

امیرالمؤمنین شیخ مولوي هبة ‌الله اخندزاده د خپلو خبرو په وروستیو کې په لاندې برخو کې رئیسانو ته سپارښتنې وکړې:

۱ـ عاجزي وکړئ، ځانونه په بشپړه توګه کنټرول کړئ، له ولس سره لاره خپله کړئ.

۲ـ ټولې نظامي ادارې باید خپل مجاهدین په ښو اخلاقو سمبال کړي او باید له ولس سره ښه سلوک وکړي.

۳ـ ټول رئیسان باید له عالمانو سره هر وخت ناستې وکړي او د کارونو د پرمختګ په برخه کې ورڅخه مشورې واخلي.

۴ـ اسلام، هېواد او ولس ته د کار کولو لپاره اوس پوره زمینه برابره ده او په ټول توان هڅه وکړئ چې خدمت په ښه ډول وکړئ.

۵ـ په خپلو منځونو کې پوره همغږي ولرئ او په ګډه ستونزې له منځه یوسئ.

۶ـ له امنیتي ارګانونو سره د امنیت د خوندیتوب په برخه کې پوره همکاري وکړئ او د عامو وګړو ترڅنګ تاسي ټول هم امنیتي اصول مراعتوئ.

۷ـ خلګ له بدو کارونو څخه راګرځوئ او ښو کارونو ته یې رابولئ.

۸ـ ټول اتفاق ولرئ، د اسلام، هېواد، ولس او نظام د پرمختګ لپاره په ګډه د ورورګلوۍ په فضا کې کارونه مخته یوسئ.

۹ـ د بیت‌المال ساتنه په سم ډول وکړئ.

۱۰ـ په ادارو کې د ټاکنو په تړاو خپلوي مه کوئ، هغه کسان په کار ګومارئ، چې وړ یې وي، تقوا او پرهیزګاري ولري.

۱۱ـ د آمر د امر اطاعت کوئ.

۱۲ـ د هیچا څخه تحفې مه اخلئ.

۱۳ـ په هره برخه کې نظرونه راکوئ، ستاسو نظرونو ته هر وخت رسیده‌ګي کیږي.

۱۴ـ د ولس څخه ځانونه مه پټوئ؛ بلکې هر وخت ورسره مجلسونه کوئ.

۱۵ـ کوښښ وکړئ، دې شرعي نظام ته په سم ډول کار وکړئ.

تازه خبرونه

سه شنبه, اکتوبر 04 2022 3:29 PM
Background image

ملاخیرالله خیرخواه د اروپايي ټولنې له ځانګړي استازي سره وکتل

د اطلاعاتو او فرهنګ وزارت سرپرست ملا خیرالله خیرخواه نن د افغانستان لپاره د اروپايي ټولنې له ځانګړي استازي توماس نیکولسن او د افغانستان لپاره د اروپايي ټولنې له ستر سیاسي سلاکار جیني. . .

یکشنبه, اکتوبر 02 2022 3:31 PM
Background image

د جهاد د ارزښتونو د ساتنې په نامه ریاست جوړ شو

د اطلاعاتو او فرهنګ وزارت په آډانه کې د افغانستان د خلکو د جهاد د ارزښتونو د ساتنې په موخه ریاست جوړ شو او نن یې په کار پیل وکړ.
 د رياست الوزرا په لارښوونه د جهاد د ارزښتونو د ساتنې. . .

چهارشنبه, سپتمبر 28 2022 3:00 PM
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

BACK TO NEWS