احمدابا ولسوالۍ کې ۳۰۰ کلن تاریخي لاسي توکی وموندل شو
د پکتیا ولایت د اطلاعاتو او کلتور ریاست د ملي موزیم مدیر محمد ګل ولیزاده وایي، چې د یاد ولایت د احمدابا ولسوالۍ په وچ غړک سیمه کې یو لاسي جوړ شوی بلول موندل شوی او د سیمې د خلکو له لوري دوی ته ورسپارل شوی دی.
د سیمې د خلکو په وینا، دغه بلول شاوخوا ۳۰۰ کاله لرغونتوب لري، چې له یوې چینې څخه د ۳ کیلو میتره په واټن د "برجي" نومي کلي ته د اوبو رسولو لپاره د سیمي د خلکو لخوا تېر شوی و.
د ځایي اوسیدونکو د معلوماتو پر بنسټ له دغو بلولو څخه په تېرو دوو پېړیو کې ګټه نه وه اخیستل شوې.
۱۴۴۵/۳/۳ هـ ق
۱۴۰۲/۶/۲۷ هـ ش
