پروان کې د اطلاعاتو او کلتور ریاست له ښوونیز مرکز څخه زده کوونکي فارغ شول

د پروان ولایت د اطلاعاتو او کلتور ریاست د ځوانانو چارو آمریت له لوري د انګليسي زده کړې کورس جوړ شوی و، چې نن ترې ٤٠ تنه زده کوونکي فارغ شول.
په دې اړه جوړې شوې غونډه کې د ځوانانو چارو آمر حمدالله دانش خبرې وکړې او ویې وویل: ددغه ریاست له لوري څلور میاشتې وړاندې د انګلیسي ژبې د زده کړې کورس جوړ شوی و، چې نن د یاد کورس څخه ٤٠ تنه زده کوونکي فارغ شول، نوموړي همدارنګه د یاد ریاست د راتلونکو پلانونو په اړه معلومات ورکړل او زیاته یې کړه، چې د اطلاعاتو او کلتور ریاست د ټولنې او په ځانګړې توګه ځوانانو د کور حیثیت لري او ددوی د وړتیاوو د تقویې لپاره به لا زیار ګالي.
ورپسې د اطلاعاتو او کلتور رئیس مولوي شمس الرحمن صدیقي فارغ شويو زده کوونکو ته مبارکي وویله او د علم په ارزښت یې خبرې وکړې او ويې ويل: د اطلاعاتو او کلتور ریاست ځوانانو ته د زده کړو زمینه برابروي او پر ځوانانو یې غږ وکړ چې له داسې فرصتونو څخه ګټه پورته کړئ.
په پای کې ښوونیز مرکز څخه فارغ شويو زده کوونکو ته د بریالیتوب تصديق ليکونه ورکړل شول.

۱۴۴۵/۵/۷ هـ ق
۱۴۰۲/۸/۳۰ هـ ش