محمد طاهر زهیر د اطلاعاتو او فرهنګ وزارت د ولايتي رياستونو د ستونزو پرحل ټينګار وکړ

farzad
چهارشنبه ۱۳۹۹/۷/۲۳ - ۹:۵۵
محمد طاهر زهیر د اطلاعاتو او فرهنګ وزارت د ولايتي رياستونو د ستونزو پرحل ټينګار وکړ

د اطلاعاتو او فرهنګ وزارت سرپرست او نوماند وزير محمد طاهر زهير د اطلاعاتو او فرهنګ  د ولايتي  رياستونو د ستونزو پرحل ټينګار وکړ.
د تخار د اطلاعاتو او فرهنګ رييس  فاروق الله عظيمي  په تخار کې  د فرهنګي اوونۍ په ترسره کولو کې د وزارت د مشرتابه  له پاملرنې مننه وکړه، د خپلو کارونو او پروګرامونو په اړه یې محمد طاهر زهیر ته رپوټ وړاندې کړ او د تخار د اطلاعاتو او فرهنګ ریاست د ستونزو او ننګونو په حل کې یې د وزارت د همکارۍ غوښتنه وکړه.
دغه راز د تخار د اطلاعاتو او فرهنګ رييس د سيمه ييز موزيم جوړول، د آبدو ترميمول او په ولسواليو کې د سيمه ييزو کتابتونونو جوړول يوه اړتيا وبلله او د وزارت له مقام څخه يې وغوښتل چې په دې برخه کې همکاري وکړي.
وروسته د اطلاعاتو او فرهنګ وزارت سرپرست او نوماند وزير محمد طاهر زهير، تخار له مهمو فرهنګي او لرغونو ولايتونو څخه وباله او ويې ويل: د اطلاعاتو او فرهنګ وزارت  ژمن دی چې خلکو ته  ښه خدمتونه وړاندې کړي او هڅه کوي  چې د ولايتونو د اطلاعاتو او فرهنګ رياستونو ستونزې حل کړي.
کابل /دتلي  ٢٣مه /باختر

تازه خبرونه

چهارشنبه ۱۳۹۹/۷/۳۰ - ۹:۴۴
Background image

په بلخ کې د شاعرانو او ليکوالانو ټولنه جوړه شوه

د ځوانو شاعرانو او ليکوالانو ټولنې نن په بلخ کې په فعاليت پيل وکړ. دغه ټولنه د اطلاعاتو او فرهنګ وزارت د ځوانانو د چارو معينيت په همکارى په مزارشريف ښار کې د مولانا خال محمد خسته د. . .

چهارشنبه ۱۳۹۹/۷/۳۰ - ۹:۴۰
Background image

پوهاند محمد رسول باوري د هېواد د ناملموس فرهنګي ميراثونو د ثبت د بهير په ګړندي کولو ټينګار وکړ

د اطلاعاتو او فرهنګ وزارت د فرهنګ او هنر معين پوهاند محمد رسول باوري په مشرۍ نن د فرهنګي ناملموسو ميراثونو کمېټې غونډه وکړه .
د باختر اژانس د خبريال د خبرله مخې؛  په دې غونډه کې  د. . .

چهارشنبه ۱۳۹۹/۷/۳۰ - ۹:۳۳
Background image

فدا: د ازبکي ژبې نمانځل د افغان قومونو یووالی ثابتوي

کونړیان وايي چې د ازبکي ژبې نمانځل په افغانستان کې د مېشتو قومونو یووالی ثابتوي او د هېواد  د هرې ژبې ویونکی افغان دی.
د باختر اژانس د سیمه ييز خبریال د خبر له مخې؛ دغه څرګندونې د کونړ. . .

BACK TO NEWS