محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

farzad_moicgovaf
چهارشنبه ۱۳۹۹/۱۱/۱۵ - ۱۰:۱۳
محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

د اطلاعاتو او فرهنګ وزارت د سرپرست محمد طاهر زهير په مشرۍ نن ”د سرتېري فلم جشن” د جوړولو په موخه د چمتووالي او همغږۍ غونډه جوړه شوه.
د باختر آژانس خبريال د خبر له مخې؛ دغه جشن د اطلاعاتو او فرهنګ وزارت د افغان- فلم رياست، د ملي راډيو ټلويزيون په همکارۍ د روان کال په کب مياشت کې په کابل کې جوړوي.
په دې غونډه کې په داسې حال کې چې د افغان – فلم رييسه صحرا کريمي او د ملي راډيو ټلويويزن لوى رييس محمد اسماعیل میاخېل هم حاضر وو؛ ”د سرتېري فلم جشن” د جوړولو په خاطر، د چمتووالي او همغږۍ په اړوند خبرې وشوې.
د افغان – فلم رييسې څرګنده کړه چې دغه جشن د هېواد د امنيتي او دفاعي ځواکونو د ملاتړ او د هېواد د فلم جوړوونکو د هڅولو په موخه جوړېږي.
هغې وويل: د هغه بلنليک پر بنسټ چې د اطلاعاتو او فرهنګ وزارت خپور کړى دى؛ لوړ داستاني فلم، لنډ داستاني فلم، لوړ مستند فلم، لنډ مستند فلم، د انيمېشن لنډ فلم او د فلم ښه پوسټر د کب میاشتې تر لومړۍ پورې منل کېږي.
هغې زياته کړه چې دغه فلم د غوراوي پلاوي له انتخاب، نندارې او د حکمانو له ارزونې وروسته، په هره برخه کې د ښه فلم لپاره جايزې هم په پام کې نيول شوې دي.
دغه راز د ملي راډيو ټلويزيون لوى رييس ”د سرتېري فلم جشن” د جوړولو او په ځانګړې توګه د هېواد په مرکز او ولايتونو کې په مستقیم ډول د ملي راډيو ټلويزيون له لارې د جشن د مراسمو د خپرولو په برخه کې د دغه بنسټ د همکاريو ډاډ ورکړ.
په پاى کې د اطلاعاتو او فرهنګ وزارت سرپرست په پرتمين ډول د ياد جشن د جوړولو په خاطر پر لازمو همغږيو ټينګار وکړ.

کابل/ د سلواغې ۱۵ مه/ باختر

تازه خبرونه

شنبه ۱۴۰۰/۳/۲۲ - ۱۶:۴۴
Background image

محمد طاهر زهير او يوشمېر حکومتي مسوولينو د پوهاند باوري مړي ته درناوی وکړ

د اطلاعاتو او فرهنګ وزارت سرپرست محمد طاهر زهير نن د دغه وزارت د پخواني معين پوهاند محمد رسول باوري مړي ته په درناوي سره، د هغه روح ته دعا وکړه.

د باختر آژانس خبريال د خبر له مخې؛ د. . .

شنبه ۱۴۰۰/۳/۲۲ - ۱۰:۳۶
Background image

د اطلاعاتو او فرهنګ وزارت د پخواني معين او د کابل پوهنتون د استاد پوهاند محمد رسول باوري پر مړينې د اطلاعاتو او فرهنګ وزارت د سرپرست محمد طاهر زهير د خواخوږۍ او ډاډګيرنې پيغام

په ژورې خواشینۍ سره مې خبر ترلاسه کړ چې د اطلاعاتو او فرهنګ وزارت د فرهنګ او هنر  پخوانى معين، د کابل پوهنتون استاد، لرغونپوه او د هېواد پېژندل شوي فرهنګي شخصيت پوهاند محمد رسول باوري د. . .

چهارشنبه ۱۴۰۰/۳/۱۹ - ۲۰:۵۵
Background image

د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

د اطلاعاتو او فرهنګ وزارت نن په ملي ګالري کې د موسیقۍ د سرتاج ارواښاد استاد محمد حسین سر آهنګ ۳۹ تلین ونمانځه.

د اطلاعاتو او فرهنګ وزارت سرپرست محمد طاهر زهیر په دې نمانځغونډه کې د. . .

BACK TO NEWS