محمد طاهر زهير او يوشمېر حکومتي مسوولينو د پوهاند باوري مړي ته درناوی وکړ

farzad_moicgovaf
شنبه ۱۴۰۰/۳/۲۲ - ۱۶:۴۴
محمد طاهر زهير او يوشمېر حکومتي مسوولينو د پوهاند باوري مړي ته درناوی وکړ

د اطلاعاتو او فرهنګ وزارت سرپرست محمد طاهر زهير نن د دغه وزارت د پخواني معين پوهاند محمد رسول باوري مړي ته په درناوي سره، د هغه روح ته دعا وکړه.

د باختر آژانس خبريال د خبر له مخې؛ د سردار محمد داوود په روغتون کې دغو مراسمو کې په داسې حال کې چې د پوهاند باوري د کورنۍ يوشمېر غړي هم حاضر وو، د اطلاعاتو او فرهنګ وزارت سرپرست او د دغه وزارت معينانو، سلاکارانو او رييسانو، د لوړو زده کړو وزارت علمي معين، د افغانستان د علومو اکاډمۍ سرپرست او يوشمېر حکومتي مسوولينو او فرهنګي شخصيتونو د اطلاعاتو او فرهنګ وزارت د فرهنګ او هنر د پخواني معين پوهاند محمد رسول باوري مړي ته درناوی وکړ.

دغه راز دوى د پوهاند باوري روح ته د دعا ترڅنګ، د خپلې ډاډګيرنې او غمشريکۍ مراتب د ارواښاد د کورنۍ غړیو ته څرګند کړل.

د پوهاند محمد رسول باوري جنازه نن د کابل د سردار محمد داوود له روغتون څخه قندهار ته ولېږدول شوه او سبا د قندهار پوهنتون په انګر کې د مشاهيرو په آرامګاه کې خاوروته سپارل کېږي.

د اطلاعاتو او فرهنګ وزارت پخواني معين، لرغونپوه، څېړونکي، مشهور ليکوال او د کابل پوهنتون استاد پوهاند محمد رسول باوري د هغې ناروغۍ له امله چې ورپېښه شوې وه؛ نن سهار د ۶۴ کلنۍ په عمر په کابل کې د سردار محمد داوود په روغتون کې ومړ.

کابل/ د غبرګولي ٢٢ مه/ باختر

تازه خبرونه

شنبه ۱۴۰۰/۵/۲ - ۱۱:۵۹
Background image

ډاکټر محمد قاسم وفايي زاده: په اوسنيو شرايطو کې د تاريخي ودانيو او فرهنګي ميراثونو په ساتنه کې زموږ مسووليت ډېر ستر دى

د اطلاعاتو او فرهنګ وزارت سرپرست او نوماند وزير ډاکټر محمد قاسم وفايي زاده نن په يوه غونډه کې، د لوى اختر ( د سرتېري اختر) په مناسبت د دغه وزارت مسوولينو او کارکوونکو ته مبارکي وويله.
د. . .

جمعه ۱۴۰۰/۴/۲۵ - ۱۴:۴۸
Background image

په قندهار کې د رويټرز خبريال پر وژل کېدو د اطلاعاتو او فرهنګ وزارت مشرتابه د خواشينۍ پيغام

په ژورې خواشينۍ سره مو خبر ترلاسه کړ چې د رويټرز خبري آژانس هندي توکمی خبريال او عکاس دانش صديقي نن سهار د قندهار په سپين بولدک ولسوالۍ کې د رپوټ د برابرولو په بهير کې وژل شوى دى. دغه. . .

جمعه ۱۴۰۰/۴/۲۵ - ۱۴:۴۲
Background image

د رويټرز فوټو ژورنالیست دانش صديقي په قندهار کې ووژل شو

د رويټرز خبري آژانس هندي توکمی خبریال او عکاس دانش صديقي نن سهار د قندهار په سپين بولدک ولسوالۍ کې له جګړو څخه د رپوټ د برابرولو په وخت کې ووژل شو.
ويل کېږي د رويټرز خبري آژانس دغه ځوان. . .

BACK TO NEWS