لوګر کې د سیرت النبي (ص) د سیالۍ مخکښ ګډونوال وستایل شول
شنبه ( ۹ د ذوالقعدې ۱۴۴۵) د لوګر ولايت د اطلاعاتو او فرهنګ ریاست له لوري په خوښۍ ولسوالۍ کې د سیرت النبي(ص) د سیالۍ ۱۵ تنه مخکښ ګډونوال د يوې غونډې په ترڅ کې وستایل شول.
د خوښۍ ولسوالۍ د پوهنې آمر عبدالوحد زبیر د خوږ نبي کریم (ص) د سیرت او صورت مطالعې ته د ځوانانو هڅولو او نورو علمي برنامو برخه کې د اطلاعاتو او فرهنګ ریاست له کړنو څخه د مننې ترڅنګ له ځوانانو او زده کوونکو څخه غوښتنه وکړه، چې د معلوماتو د پراختیا په موخه د اسلامي فکر کتابونو مطالعې ته پوره وخت ورکړي.
د فرمانونو د څارنې او نظارت آمر مفتي وحیدالله وهاج د سیالۍ مخکښو ګډونوالو ته د مبارکی ترڅنګ وویل: هر ځوان او زده کوونکی باید هڅه وکړي، چې مطالعه د خپل ورځني ژوند لومړیتوب وګرځوي او د اطلاعاتو او فرهنګ ریاست علمي پروګرامونو او سیالۍ کې دې په دومداره توګه ګډون وکړي.
یاده سیالۍ تېره اونۍ د ۲۰۰ تنه ځوانانو، د ښوونځیو او مدرسو د زده کوونکو ترمنځ د لوګر د اطلاعاتو او فرهنګ ریاست له لوري د خوښۍ ولسوالۍ په کچه ترسره شوې وه، چې لومړي مقام ته یو عراده بایسکل، دویم او دریم مقام ګټونکو ته مبایلونه، او پاتې نورومخکښو ګډونوالو ته کتابونه ډالۍ شول.
۱۴۰۳/۲/۲۹ ھ ل
۲۰۲۴/۵/۱۸ ميلادي
