ذبيح الله مجاهد: د اطلاعاتو او فرهنګ وزارت رييسان او کارکوونکي دې د پخوا په شان خپلو کارونو ته دوام ورکړي

farzad_moicgovaf
چهارشنبه ۱۴۰۰/۵/۲۷ - ۱۰:۳۱
ذبيح الله مجاهد: د اطلاعاتو او فرهنګ وزارت رييسان او کارکوونکي دې د پخوا په شان خپلو کارونو ته دوام ورکړي

د افغانستان د اسلامي امارت وياند او د فرهنګي چارو د کمېسيون رييس ذبيح الله مجاهد نن په يوه غونډه کې د اطلاعاتو او فرهنګ وزارت مسوولينو او کارکوونکو ته ډاډ ورکړ چې د پخوا په شان خپلو کارونو ته په صادقانه ډول خلکو ته د خدمت په خاطر دوام ورکړي.

 د باختر آژانس د خبر له مخې؛ په دې غونډه کې په داسې حال کې چې د اطلاعاتو او فرهنګ وزارت مالي، اداري او ګرځندوى معين عبدالبشير حکيمي هم حاضر و، مجاهد څرګنده کړه چې د اطلاعاتو او فرهنګ وزارت مسوولين او کارکوونکي دې د پخوا په شان خپلو کارونو ته دوام ورکړي.

هغه څرګنده کړه چې د اطلاعاتو او فرهنګ وزارت په فرهنګي او اطلاعاتي برخو کې ځانګړي مسووليتونه لري او هر راز بدلونونه چې رامنځته کېږي، د هېواد فرهنګي ارزښتونه بايد خوندي وساتل شي.

مجاهد تاريحي ودانۍ، لرغوني آثار، موزيمونه او ملي آرشيف د هېواد تاريخي پانګې وبللې او د دغو شتمنيو ساتنه د ټولو خلکو په تېره بيا د اطلاعاتو او فرهنګ وزارت مسووليت وباله.

هغه د يو ښه نظام د جوړولو په خاطر د افغانستان د اسلامي امارت د هلوځلو ډاډ ورکړ او ويې ويل: د هېواد ټول خلک له هر قوم او قبيلې څخه چې دي، مسلمانان دي  او ټول بايد خلکو، هېواد او ملي ګټو ته د خدمت جوګه شي او خدمت وکړي.

ذبيح الله مجاهد دغه راز څرګنده کړه چې د اطلاعاتو او فرهنګ وزارت د بېلابېلو برخو د مسوولينو او کارکوونکو غوښتنې او وړانديزونه څېړل کېږي او حقوق به یې هم ورکړل شي.

کابل/ د زمري ٢٧ مه/ باختر   

تازه خبرونه

چهارشنبه ۱۴۰۰/۹/۱۷ - ۱۰:۱
Background image

غربي هیوادونو ته د تلونکو افغانانو په اړه والیانوته د امیرالمؤمنین حفظه الله هدایات

  

قال الله تبارک وتعالی: یا ایها الذین آمنوا لا تتخذوا عدوی و عدوکم اولیاء (الایة) و قال النبي صلی الله علیه وسلم: أنا بريءٌ من کل مسلم یقیم بین أظهر المشرکین ( الحدیث).

هغه افغانان. . .

جمعه ۱۴۰۰/۹/۱۲ - ۱۹:۱۶
Background image

د ښځو د حقوقو په اړه د عاليقدر امیرالمؤمنین لخوا ځانګړی فرمان صادر شو

 بسم الله الرحمن الرحیم

د اسلامي امارت د مشرتابه  مقام ټولو اړونده مسئولینو، علماء کرامو او قومي مشرانوته هدایت کوي چې د ښځو د لاندې حقوقو د پرځای کولو لپاره جدي اقدامات وکړي.

۱ــ د. . .

یکشنبه ۱۴۰۰/۹/۷ - ۲۰:۳۸
Background image

ملت ته د رئیس الوزراء ملامحمد حسن اخند د وينا متن

نحمده ونصلي علی رسوله الکریم. اما بعد:

تر ټولو دمخه خپل ګران او ځورېدلي ملت ته خپل سلامونه وړاندې کوم. الله جلاله دې ستاسې د پلرونو، زامنو او وروڼو تکلیفونه، شهادتونه، زندانونه او هر. . .

BACK TO NEWS