د "شکوه و پهنۀ زبان پارسي" کتاب مخکتنه وشوه

farzad_moicgovaf
سه‌شنبه ۱۳۹۹/۱۱/۱۴ - ۱۱:۴۰
د "شکوه و پهنۀ زبان پارسي" کتاب مخکتنه وشوه

د غلام محمد محمدي تاليف ”شکوه و پهنۀ زبان پارسي” کتاب نن د اطلاعاتو او فرهنګ وزارت په تالار کې مخکتنه وشوه .
د باختر آژانس خبريال د خبر له مخې؛ د دغه کتاب د مخکتنې په غونډه کې چې يوشمېر ليکوالو او د ادب يوشمېر مشرانو په کې ګډون کړی و، د اطلاعاتو او فرهنګ وزارت د خپرونو چارو معين عبدالمنان شېوای شرق د فارسي ژبې د تاريخي تګلوري په اړوند خبرې وکړې او ويې ويل: زموږ په تمدني حوزه کې د فارسي ژبې مرغلره له زياتو ستونزو سره مخ وه، له عربو څخه د چنګېز تر يرغل او زموږ د هېواد تر ويجاړولو پورې .
هغه پر نورو ژبو د فارسي ژبې د اغېزمنتوب په تاريخي مدارکو د استنباط خبره هم وکړه او زياته يې کړه: دا زموږ کار دى چې د فارسي ژبې څېړنه ډله یيزه کړو.
هغه زياته کړه چې د ناسم درک له امله يوشمېر خلک فارسي او دري ژبې له يو بل څخه جلا بولي؛ په داسې حال کې چې فارسي او دري يوه ژبه ده او يواځې لهجې يې سره توپير لري .
شېوای شرق د ”شکوه و پهنۀ زبان پارسي” کتاب له مولف غلام محمد محمدي سره ژمنه وکړه چې د اطلاعاتو او فرهنګ وزارت د هغه د آثارو په چاپولو کې ورسره همکاري کوي.
د اطلاعاتو او فرهنګ وزارت د خپرونو چارو معين وويل: دغه وزارت د هېواد د ليکوالو د هڅولو او درناوي په خاطر په اوونۍ کې څلور ځل د کتاب د مخکتنې پروګرامونه ترسره کوي .
د ” شکوه و پهنۀ زبان پارسي” کتاب د غلام محمد محمدي تاليف دى او د زرو ټوکو په تیراژ په ٤٨٩ مخونو کې چاپ شوى دى او په هغه کې د فارسي ژبې د منشا، مقام، ودې او د هغو بدلونونو په اړوند چې دغه ژبه ورسره مخ شوې ده، څېړنې شوې دي.
غلام محمد محمدي لس چاپ شوي کتابونه لري او اته نور اثار يې چاپ ته چمتو دي .

کابل/ د سلواغې ١٤مه/ باختر

تازه خبرونه

شنبه ۱۴۰۰/۳/۲۲ - ۱۶:۴۴
Background image

محمد طاهر زهير او يوشمېر حکومتي مسوولينو د پوهاند باوري مړي ته درناوی وکړ

د اطلاعاتو او فرهنګ وزارت سرپرست محمد طاهر زهير نن د دغه وزارت د پخواني معين پوهاند محمد رسول باوري مړي ته په درناوي سره، د هغه روح ته دعا وکړه.

د باختر آژانس خبريال د خبر له مخې؛ د. . .

شنبه ۱۴۰۰/۳/۲۲ - ۱۰:۳۶
Background image

د اطلاعاتو او فرهنګ وزارت د پخواني معين او د کابل پوهنتون د استاد پوهاند محمد رسول باوري پر مړينې د اطلاعاتو او فرهنګ وزارت د سرپرست محمد طاهر زهير د خواخوږۍ او ډاډګيرنې پيغام

په ژورې خواشینۍ سره مې خبر ترلاسه کړ چې د اطلاعاتو او فرهنګ وزارت د فرهنګ او هنر  پخوانى معين، د کابل پوهنتون استاد، لرغونپوه او د هېواد پېژندل شوي فرهنګي شخصيت پوهاند محمد رسول باوري د. . .

چهارشنبه ۱۴۰۰/۳/۱۹ - ۲۰:۵۵
Background image

د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

د اطلاعاتو او فرهنګ وزارت نن په ملي ګالري کې د موسیقۍ د سرتاج ارواښاد استاد محمد حسین سر آهنګ ۳۹ تلین ونمانځه.

د اطلاعاتو او فرهنګ وزارت سرپرست محمد طاهر زهیر په دې نمانځغونډه کې د. . .

BACK TO NEWS