د اطلاعاتو او فرهنګ وزارت د پخواني معين او د کابل پوهنتون د استاد پوهاند محمد رسول باوري پر مړينې د اطلاعاتو او فرهنګ وزارت د سرپرست محمد طاهر زهير د خواخوږۍ او ډاډګيرنې پيغام

farzad_moicgovaf
شنبه ۱۴۰۰/۳/۲۲ - ۱۰:۳۶
د اطلاعاتو او فرهنګ وزارت د پخواني معين او د کابل پوهنتون د استاد پوهاند محمد رسول باوري پر مړينې د اطلاعاتو او فرهنګ وزارت د سرپرست محمد طاهر زهير د خواخوږۍ او ډاډګيرنې پيغام

په ژورې خواشینۍ سره مې خبر ترلاسه کړ چې د اطلاعاتو او فرهنګ وزارت د فرهنګ او هنر  پخوانى معين، د کابل پوهنتون استاد، لرغونپوه او د هېواد پېژندل شوي فرهنګي شخصيت پوهاند محمد رسول باوري د هغې ناروغۍ له امله چې ورپېښه شوې وه، په حق رسېدلى دى.

ارواښاد پوهاند باوري خپل زيات عمر د تاريخ په تېره بيا لرغونپېژندنې او فرهنګي برخو کې علمي – څېړنيز کارونو ته وقف کړ.

هغه په کابل پوهنتون کې د استاد په توګه دنده ترسره کړه، زيات محصلان يې وروزل او مشهور کادرونه يې ټولنې ته وړاندې کړل.

د لرغونپېژندنې په برخه کې د ارواښاد خدمتونه د ستاينې وړ دي. پوهاند باوري زيات آثار وليکل چې پوهانو، څېړونکو په تېره بيا د علمي پانګې په توګه ځوان نسل ته یې په ميراث پرېښودل.

دغه راز پوهاند باوري د اطلاعاتو او فرهنګ وزارت د فرهنګ او هنر د معين په توګه هم په برياليتوب سره دنده ترسره کړه، په دې پُست کې هغه د فرهنګ او هنر د ودې او پراختيا په خاطر اغېزمن نوښتونه وکړل. د افغانستان ولايتونوته يې سفرونه وکړل او فرهنګي اوونۍ يې جوړې کړې.

هغه د افغانستان د فرهنګ او هنر د ودې او پراختيا په خاطر زيات خوبونه او آرمانونه درلودل چې له بده مرغه ناڅاپي مړينه یې د دغو آرمانونو د تحقق فرصت ورنه کړ.

د استاد پوهاند محمد رسول باوري مړينه د هېواد د علم، فرهنګ او هنر په برخو کې يوه ستره ضايعه ده. زه د ژورې خواشينۍ او ډاډګيرنې مراتبو د څرګندولو ترڅنګ، د الله (ج) له درباره استاد باوري ته د فردوس جنت او د ارواښاد کورنۍ، خپلوانو او همدارنګه د اطلاعاتو او فرهنګ وزارت، کابل پوهنتون او د هېواد علمي او فرهنګي  ټولنې ته د صبر او زغم هيله کوم.

روح یې ښاد او یاد یې تلپاتې.

کابل/ د غبرګولي ٢٢ مه/ باختر

تازه خبرونه

شنبه ۱۴۰۰/۵/۲ - ۱۱:۵۹
Background image

ډاکټر محمد قاسم وفايي زاده: په اوسنيو شرايطو کې د تاريخي ودانيو او فرهنګي ميراثونو په ساتنه کې زموږ مسووليت ډېر ستر دى

د اطلاعاتو او فرهنګ وزارت سرپرست او نوماند وزير ډاکټر محمد قاسم وفايي زاده نن په يوه غونډه کې، د لوى اختر ( د سرتېري اختر) په مناسبت د دغه وزارت مسوولينو او کارکوونکو ته مبارکي وويله.
د. . .

جمعه ۱۴۰۰/۴/۲۵ - ۱۴:۴۸
Background image

په قندهار کې د رويټرز خبريال پر وژل کېدو د اطلاعاتو او فرهنګ وزارت مشرتابه د خواشينۍ پيغام

په ژورې خواشينۍ سره مو خبر ترلاسه کړ چې د رويټرز خبري آژانس هندي توکمی خبريال او عکاس دانش صديقي نن سهار د قندهار په سپين بولدک ولسوالۍ کې د رپوټ د برابرولو په بهير کې وژل شوى دى. دغه. . .

جمعه ۱۴۰۰/۴/۲۵ - ۱۴:۴۲
Background image

د رويټرز فوټو ژورنالیست دانش صديقي په قندهار کې ووژل شو

د رويټرز خبري آژانس هندي توکمی خبریال او عکاس دانش صديقي نن سهار د قندهار په سپين بولدک ولسوالۍ کې له جګړو څخه د رپوټ د برابرولو په وخت کې ووژل شو.
ويل کېږي د رويټرز خبري آژانس دغه ځوان. . .

BACK TO NEWS