د اطلاعاتو او فرهنګ وزارت د يو کال کړه وړه او لاسته راوړنې وړاندې شوې

ehsan
سه‌شنبه ۱۳۹۹/۱۲/۲۷ - ۸:۵۸
د اطلاعاتو او فرهنګ وزارت د يو کال کړه وړه او لاسته راوړنې وړاندې شوې


د اطلاعاتو او فرهنګ  وزارت سرپرستې حسينې ساپۍ نن د دغه وزارت  د١٣٩٨ کال کړه وړه او لاسته راوړنې وړاندې کړې
د باختراژانس د خبريال د خبرله مخې؛ د اطلاعاتو او فرهنګ وزارت سرپرستې ملت ته د دولت د ځواب ورکولو په پروګرام کې د دغه وزارت  د١٣٩٨ مالي کال کړه وړه او لاسته راوړنې  وړاندې کړې.
حسينې ساپۍ وويل چې د اطلاعاتو او فرهنګ وزارت کاري ټيم  دغور د جام څلي  د ټينګښت په کار بوخت دى  او دغه څلى  له خطرڅخه  خوندي شوى دى.
هغې زياته کړه چې د اطلاعاتو او فرهنګ وزارت د تاريخي آبداتو د ساتنې په موخه له خپلو ټولو امکاناتو څخه استفاده کوي.
هغې وويل: د اطلاعاتو او فرهنګ وزارت د خپرونو او رسنيو، فرهنګ او هنر ،ګرځندوى او ځوانانو په برخو کې فعاليت کوي.
په ١٣٩٨ کال کې دغه وزارت ١٦پرمختيايي پروژې پلې کړې دي  چې له دې جملې څخه: ٧ ساختماني پروژې، د تاريخي آبداتو په برخه کې ٦ پروژې ( په قندهارکې د ميرويس نيکه د مقبرې ترميم، په فارياب کې د اقينه ډنډ ترميم ، په لغمان کې د سراج کلا د دويم فاز اساسي ترميم،  په کابل کې د امير عبدالرحمن خان د جومات ترميم  او داسې نور)  او ٣ پروژې  د ښار جوړولو او ځمکو وزارت په همکارۍ  کې دي.
د اطلاعاتو او فرهنګ وزارت سرپرستې د دغه وزارت مهمو فعاليتونو او لاسته راوړنو ته اشاره وکړه او ويې ويل:  ١٣٩٨ کال  چې د افغانستان د خپلواکۍ له سلمې کاليزه سره برابر دى، د اطلاعاتو او فرهنګ وزارت  د دغه کال له  پيل څخه په اړوندو برخو کې زيات پروګرامونه  ترلاس لاندې ونيول او د افغانستان په معاصر تاريخ کې د علمي سمينارونو، د کتاب د بېلابېلو نندارتونونو، لاسي صنايعو، وطني خواړه، فرهنګي اوونۍ په جوړولو او د کنسرتونو او تياتري نمايشناموپه اجرا کولو سره  دغه تاريخي پېښه ونمانځله.
حسيني ساپۍ د لرغونو ساحو، اثارو او تاريخي آبداتو په اړه معلومات ورکړل او ويې ويل:  چې  په ٣٤ ولايتونو کې ١٤١٣ لرغونې ساحې  د وزارت  په ديتابيس کې ثبت شوې دي؛
په اوو ولايتونو کې له  لرغونو ساحو څخه  ٤٦٠٨ تاريخي اثار ترلاسه شوي دي؛  د بودايي يو اثر له هکانګانګ څخه هېواد ته راليږدول شوى اوملي موزيم ته سپارل شوى دى؛
دغه راز ٥٠٠ اثار د ملي امنيت  د کارکوونکو او ګمرکاتو له لارې ترلاسه شوي دي؛
١٧٨٠ تاريخي آبدې  فهرست شوې دي ، ٢٩٤ آبدې ترميمې شوې  او په ٨٢٤ آبدو کې  د تسجيل لوحې درول شوې دي؛
د٢٥٠ تاريخي اثارو  دوه  نندارتونونه  په چين کې جوړ شوي دي؛
٤٦٢٤٥ تاريخي سندونه  او خطي نسخې ديجيټل شوې دي؛
٢٠٠ مهم خطي آثار  وقايه ، ترميم  او صحافي شوي دي.
٣١ تابلو ګانې چې د طالبانو د وا کمنۍ په دوره کې  ويجاړې شوې وې ، ترميمې شوې دي.
د اطلاعاتو او فرهنګ وزارت سرپرستې د مطالعې او کتاب لوستلو فرهنګ رواجول  د دغه وزارت له مسووليتونو څخه وبلل  او په دې برخه کې يې د دغه وزارت  کړه وړه هم بيان کړل.
دغه راز د ملي موسيقۍ او ملي تياتر د ساتنې او ودې په برخه کې يې د دغه وزارت د پاملرنې په اړه معلومات ورکړل.
حسينې ساپۍ په خپرونو پورې اړوند د هغو  قوانينو اومقرراتو  په اړه  چې د رسنيو د فعاليتونو په برخه کې  چمتو شوي دي هم اشاره وکړه او ويې ويل چې  د اطلاعاتو او فرهنګ وزارت  بيان ازادۍ ته ژمن دى او د خبريالانو د حقوقو ملاتړ کوي.
په همدې ترتيب د اطلاعاتو او فرهنګ وزارت سرپرستې د ګرځندوى او ځوانانو په برخه کې د دغه وزارت د تېريوکال کړو وړو او لاسته راوړنو په اړه معلومات ورکړل.
د اطلاعاتو او فرهنګ وزارت سرپرستې وويل: ځينې کسان فکر کوي چې  د اطلاعاتو او فرهنګ وزارت يو لګښتي وزارت دى او عايد نلري، په داسې حال کې چې د ١٣٩٨ کال په بهيرکې په مجموع کې د دغه وزارت عوايد  ١٩٠ ميليونو ٨١٢ زره  ٩٦٧ افغانۍ شوي دي.
هغې وويل چې  دغه عوايد د فلمونو د توريد د حق ، د ځمکو د کرايې  او بيهقي دغرفو، سوداګريزو اعلانونو، د باختر ګنجينې د آثارو د نندارتونونو د ټکټونو د پلورنې  او د جواز صادرولو، د افغانتور تصدۍ عوايد او د ازادۍ مطابعو تصدۍ له لارې ترلاسه شوي دي.
کابل \ د کب ٢٦ مه \ باختر

تازه خبرونه

دوشنبه ۱۳۹۹/۴/۲۳ - ۱۱:۴۲
Background image

د رسنيزو شکايتونو او سرغړونو د څېړنې کمېسيون ناسته جوړه شوه

د رسنيزو شکايتونو او سرغړونو د څېړنې کمېسيون نن د اطلاعاتو او فرهنګ وزارت د سرپرست محمد طاهر زهير په مشرۍ ناسته وکړه
د باختر آژانس خبريال د خبر له مخې؛ د ناستې په پيل کې د اطلاعاتو او. . .

یکشنبه ۱۳۹۹/۴/۲۲ - ۱۴:۲۵
Background image

د اصلاح ورځپاڼې مسوول مدیر دادمحمد عنابي پر مړینې د اطلاعاتو او فرهنګ وزارت مشرتابه د خواشینۍ پیغام

په ډېرې خواشینۍ مو خبر ترلاسه کړچې د اصلاح ورځپاڼې مسوول مدیر دادمحمد عنابي د ورپېښې ناروغۍ له امله نن په حق ورسېد.

دادمحمد عنابي د هېواد یو فرهنګی او ادبي شخصیت و او په فرهنګ او ادب. . .

دوشنبه ۱۳۹۹/۴/۱۶ - ۹:۴۲
Background image

د غوریانو دورې پورې اړوند د تاریخي سندونو یوه بسته ارزول کېږي


د غوریانو په دورې پورې اړوند د تاریخي سندونو د ارزونې غونډه چې ویل کېږي زرکاله لرغونتیا لري، نن د اطلاعاتو اوفرهنګ په وزارت کې جوړه شوه
د باخترآژانس خبریال د خبرله مخې، ټاکل شوې ده دغه. . .

BACK TO NEWS