د اطلاعاتو او فرهنګ وزارت د فرهنګي او هنري کانکور بریاليو ګډون کوونکو ته ستاینلیکونه ورکړل

moic_admin
پنجشنبه, سپتمبر 15 2022 12:09 PM
moic

د اطلاعاتو او فرهنګ وزارت یو شمېر هغه افغان فرهنګیان او هنرمندان په ستاینلیکونو ونازول، چې د ۱۴۰۱ لمریز کال په فرهنګي او هنري کانکور کې يې ګډون کړی و.

د یاد وزارت نشراتي معین مهاجر فراهي په هغه غونډه کې، چې په همدې مناسبت د پلازمېنې کابل په بابر بڼ کې جوړه شوې وه وویل، چې مجازات او مکافات د ښې حکومتولۍ اصل دی او اسلامي امارت دغه اصل ته ژمن دی.

فراهي دغه ډول پروګرامونه د ځوانانو د پټو وړتیاوو د را برسېره کولو لپاره مهم او ګټول وبلل.

د اطلاعاتو او فرهنګ وزارت د هنر او فرهنګ معین مولوي عتیق الله عزیزي د فرهنګي او هنري جایزو جوړ شوی پروګرام هغه ګونګوسو ته غاښ ماتوونکی ځواب وباله، چې ګواکې اسلامي امارت د فرهنګیانو او هنرمندانو حقوق تر پښو لاندې کوي.

عزيزي همدارنګه نیوکه وکړه، چې ځینې مغرضې رسنۍ د پردیو استخباراتي کړیو په لمسون د اسلامي امارت د تخریبولو هڅې کوي، او نړۍ ته د افغانستان ناسم انځور وړاندې کوي.

نوموړي ډاډ ورکړ، چې اسلامي امارت به چاته د نظام تخریبولو اجازه ورنکړي.

په همدې حال کې یو شمېر فرهنګیانو هنرمندانو چې په د جایزو د وېش په دغو مراسمو کې ګډون کړی وو، له اسلامي امارت څخه د مننې ترڅنګ ډاډ ورکړ، چې خپلو هنري او فرهنګي فعالیتونو ته به دوام ورکوي، او د افغانستان د فرهنګي بډاینې لپاره به خپلې هڅې ونه سپموي.

د ۱۴۰۱ کال فرهنګي او هنري کانکور کې ۴۰۸ فرهنګي او هنري اثار جایزو ته نوماند شوي وو، چې له دې ډلې څخه يې د ترانې، تیاتر، راډیو ټلویزیون، ژورنالیزم، فرهنګ، فلمونو او انځوریزو هنرونو په برخه کې ۱۱۱آثار د جایزو په ګټلو بریالي شوي دي.

د فرهنګي او هنري جایزو پروګرام د لومړي ځل لپاره په ۱۳۶۷ لمریز کال کې په لاره واچول شو، او له هغه وروسته يې په وقفه يي ډول تر اوسه دوام لري.

د یادولو وړ ده، چې د اطلاعاتو او فرهنګ وزارت د چارواکو د فرهنګي او هنري جایزو د ورکړې د پروګرام په څنډه کې یو نندارتون هم پرانیست، چې بېلابېلو فرهنګي او هنري آثار پکې نندارې ته ايښودل شوي دي.

تازه خبرونه

یکشنبه, فبروري 05 2023 8:54 PM
Background image

د نیمروز د اطلاعاتو او فرهنګ رئیس له یوشمېر ځوانانو سره وکتل

 

نن یکشنبه ۱۴۴۴/۷/۱۴ هـ ق د نيمروز ولايت د اطلاعاتو او فرهنګ رئيس مفتي حبيب‌الله "الهام" به خپل کاري دفتر کط د زرنج ښار له یوشمېر ځوانانو سره وکتل، چې پر مهال یې د یاد رياست د ځوانانو. . .

یکشنبه, فبروري 05 2023 8:46 PM
Background image

د هلمند مارجې ولسوالۍ کې د ځوانانو د همږغۍ غونډه ترسره شوه

 

تېره ورځ د هلمند ولایت مارجې ولسوالۍ د غونډو په تالار کې د اطلاعاتو او فرهنګ ریاست د ځوانانو مدیریت په نوښت د یادي ولسوالۍ د ځوانانو د همږغۍ غونډه ترسره شوه، چې پر مهال یې د یادي. . .

یکشنبه, فبروري 05 2023 5:59 PM
Background image

د غزني ولايت د اطلاعاتو او فرهنګ رئیس له فعالو رضا کارو ځوانانو سره وکتل


 تېره ورځ د غزني د اطلاعاتو او فرهنګ رئیس، ملا حمیدالله نثار په خپل کاري دفتر کې له فعال رضاکار ځوانانو سره وکتل.
ښاغلي ملا حمیدالله نثار، ځوانان د هرې ټولنې د ملا تير وبلل او د دغه. . .

BACK TO NEWS