د وزارت مقام د دفتر رئيس د سرپل او فارياب ولايتونو له اطلاعاتو او کلتور رياستونو څخه لیدنه وکړه
د اطلاعاتو او کلتور وزارت مقام د دفتر رئيس مولوي احسان الله حسان او ورسره مل پلاوي د سرپل او فارياب ولايتونو له اطلاعاتو او کلتور رياستونو څخه لیدنه وکړه.
د فاریاب ولايت د اطلاعاتو او کلتور رياست رئیس مولوي شمس الحق محمدي او د سرپل ولايت داطلاعاتو او کلتور رياست رئيس ملا عبدالغفار حقنما د خپلو اړوندو رياستونو د فعاليتونو په تړاو د مقام د دفتر رئيس سره معلومات شريک کړل.
ورپسې د اطلاعاتو او کلتور وزارت د دفتر رئيس مولوي احسان الله حسان خلکو ته د ښو خدمتونو په وړاندې کولو، د افغاني کلتور په ساتنه، دتاريخي ابداتو او ودانيو په ساتنه، د ځوانانو د فکري انحراف په مخنيوي، د کتاب لوستنې د پراختیا او دود کولو او د سالمو رسنيزو پروګرامونو په ترويج ټينګار وکړ.
نوموړي همدا راز مامورین وهڅول، چې خپل مسوولیتونه په جدي توګه سرته ورسوي او د خدمتونو د لا ښه والي په موخه یې لازمې سپارښتنې او لارښوونې وکړې.
۱۴۴۶/۴/۲۷ هـ ق
۱۴۰۳/۸/۹ هـ ل
