ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

moic_admin
Wed, Sep 28 2022 3:00 PM
moic.gov.af-khairkhwa

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په همدې مناسبت جوړه شوې غونډه کې د اطلاعاتو او فرهنګ وزارت سرپرست وزیر ملا خیرالله خیرخواه، د دغه وزارت د خپرونو چارو معین مهاجر فراهي، د باختر اطلاعاتي آژانس رئیس عبدالواحد ریان او د یو شمېر وزارتونو او مستقلو ادارو ویاندویانو او استازو ګډون کړی و.

د غونډې په پيل کې، د اطلاعاتو او فرهنګ وزارت سرپرست وزیر ملا خیرالله خیرخواه، په اوسني وخت کې د رسینو پر ارزښت او مسوولیتونو خبرې وکړې او ویې ویل: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی.

ملا خیرخواه، د وزارتونو او مستقلو ادارو له ویاندویانو څخه وغوښتل چې د خپلو ادارو فعالیتونه او لاسته راوړنې له اطلاعاتو او فرهنګ وزارت سره شریکې کړي چې د دغه وزارت له لارې له هېوادوالو سره شریکې شي.

هغه یادو ویاندویانو ته لارښوونه وکړه چې خپل خبرونه او نور معلومات له خپرېدو مخکې له باختر اطلاعاتي آژانس سره چې د اسلامي امارت رسمي ژبه ده، شریک کړي چې له دې لارې له نورو رسنیو او خلکو سره شریک شي او د دښمن د زهرجنو تبلیغاتو مخه ونیول شي.

وروسته، د اطلاعاتو او فرهنګ وزارت د خپرونو چارو معین مهاجر فراهي، په نړۍ کې د نظامونو په ټینګښت او له منځه وړلو کې د رسنیو د رول په اړه خبرې وکړې او پر ویاندویانو یې غږ وکړ چې د اوسني اسلامي نظام دفاع وکړي او په وخت او بشپړ دقت سره د خپلو ادارو خبرونه او نور معلومات له اطلاعاتو او فرهنګ وزارت سره شریک کړي چې د افغانستان اسلامي امارت کړنې او لاسته راوړنې د افغانستان خلکو او نړیوالو ته ورسول شي.

فراهي زیاته کړه: دښمنان د اسلامي امارت پر وړاندې دسیسې جوړوي، خو د هغوی د ناوړو دسیسو د شنډولو او مخنیوي لپاره باید له دفاعي حالت څخه تهاجمي حالت غوره کړو.

د خپرونو چارو معین دغه راز د معلوماتو شریکولو په برخه کې د امارتي ادارو ترمنځ پر همغږۍ او له رسنیو او خبریالانو سره یې پر ښو اړیکو ټینګار وکړ او په دې برخه کې یې د اطلاعاتو او فرهنګ وزارت د همکارۍ ډاډ ورکړ.

په همدې حال کې، د باختر اطلاعاتي آژانس رئیس عبدالواحد ریان د دغه آژانس د فعالیتونو او لاسته راوړنو په اړه معلومات ورکړل او له ویاندویانو څخه یې وغوښتل چې له خپرېدو مخکې خپل خبرونه، راپورونه او ویډیوګانې له باختر آژانس سره شریک کړي.

د غونډې په دوام، د اطلاعاتو او فرهنګ وزارت د رسنیو پر خپرونو د څار رئیس عبدالحق حماد له یادو ویاندویانو څخه وغوښتل چې د نظام د ساتنې او پیاوړتیا لپاره دې د خپلو ادارو پر ټولو چارو ځان خبر کړي.

د غونډې په پای کې، د کانونو او پټرولیم، صنعت او تجارت، د مهاجرینو او راستنېدونکو چارو، د سرحدونو، قومونو او قبایل چارو وزارتونو، د پلټنې عالي ادارې او د ملي پراختیا شرکت ویاندویانو د موضوع په اړه خبرې وکړې او خپلې غوښتنې، وړاندیزونه او ستونزې یې شریکې کړې.

هغوی هم د نظام په ساتنه او پیاوړتیا کې د رسنیو رول مهم وباله او د اطلاعاتو او فرهنګ وزارت او ویاندویانو ترمنځ یې پرهمغږۍ ټینګار وکړ.

تازه ترین اخبار

Wed, Feb 21 2024 2:23 PM
Background image

7 Pieces of Artifacts Seized in Nangarhar Province were Handed over to the Museum Management

Wednesday (21st of February) 7 pieces of artifacts seized a few days ago at the Torkham Border of Nangarhar province, which were handed over to the Department of Information and Culture. . .

Wed, Feb 21 2024 2:21 PM
Background image

The Director of Information and Culture of Kapisa Province Supervised “Tanin” News Radio

Yesterday, the Director of Information and Culture of Kapisa Province, Maulawi Karimullah Wasiq, who was also accompanied by the Manager of National Radio and Television Ahmed Shah. . .

Tue, Feb 20 2024 2:01 PM
Background image

The meeting for the establishment of Aburehan Al-Biruni scientific and research Seminar was held

A meeting of the Joint Committee of the Department of People's Culture of the Ministry of Information and Culture to organize an academic and research seminar on the identity of Abu. . .

BACK TO NEWS