محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

farzad_moicgovaf
چهارشنبه ۱۳۹۹/۱۱/۱۵ - ۱۰:۱۳
محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

د اطلاعاتو او فرهنګ وزارت د سرپرست محمد طاهر زهير په مشرۍ نن ”د سرتېري فلم جشن” د جوړولو په موخه د چمتووالي او همغږۍ غونډه جوړه شوه.
د باختر آژانس خبريال د خبر له مخې؛ دغه جشن د اطلاعاتو او فرهنګ وزارت د افغان- فلم رياست، د ملي راډيو ټلويزيون په همکارۍ د روان کال په کب مياشت کې په کابل کې جوړوي.
په دې غونډه کې په داسې حال کې چې د افغان – فلم رييسه صحرا کريمي او د ملي راډيو ټلويويزن لوى رييس محمد اسماعیل میاخېل هم حاضر وو؛ ”د سرتېري فلم جشن” د جوړولو په خاطر، د چمتووالي او همغږۍ په اړوند خبرې وشوې.
د افغان – فلم رييسې څرګنده کړه چې دغه جشن د هېواد د امنيتي او دفاعي ځواکونو د ملاتړ او د هېواد د فلم جوړوونکو د هڅولو په موخه جوړېږي.
هغې وويل: د هغه بلنليک پر بنسټ چې د اطلاعاتو او فرهنګ وزارت خپور کړى دى؛ لوړ داستاني فلم، لنډ داستاني فلم، لوړ مستند فلم، لنډ مستند فلم، د انيمېشن لنډ فلم او د فلم ښه پوسټر د کب میاشتې تر لومړۍ پورې منل کېږي.
هغې زياته کړه چې دغه فلم د غوراوي پلاوي له انتخاب، نندارې او د حکمانو له ارزونې وروسته، په هره برخه کې د ښه فلم لپاره جايزې هم په پام کې نيول شوې دي.
دغه راز د ملي راډيو ټلويزيون لوى رييس ”د سرتېري فلم جشن” د جوړولو او په ځانګړې توګه د هېواد په مرکز او ولايتونو کې په مستقیم ډول د ملي راډيو ټلويزيون له لارې د جشن د مراسمو د خپرولو په برخه کې د دغه بنسټ د همکاريو ډاډ ورکړ.
په پاى کې د اطلاعاتو او فرهنګ وزارت سرپرست په پرتمين ډول د ياد جشن د جوړولو په خاطر پر لازمو همغږيو ټينګار وکړ.

کابل/ د سلواغې ۱۵ مه/ باختر

تازه ترین اخبار

دوشنبه ۱۳۹۹/۱۱/۲۰ - ۱۱:۱۶
Background image

شماری از شکایت ها و تخلفات رسانه یی بررسی شد

به ریاست محمد طاهر زهیر سرپرست وزارت اطلاعات و فرهنگ امروز نشست کمیسیون بررسی شکایات و تخلفات رسانه یی، برگزارشد.

به گزارش خبرنگار آژانس باختر؛ در این نشست، اعضای کمیسیون، هشت شکایت و. . .

یکشنبه ۱۳۹۹/۱۱/۱۹ - ۱۱:۲۷
Background image

برنامۀ آموزشی "شیوۀ کار و ارزیابی اجراات کارکنان خدمات ملکی" در وزارت اطلاعات و فرهنگ برگزار شد

کمیسیون اصلاحات اداری و خدمات ملکی، برنامۀ آموزشی ”شیوۀ کار و ارزیابی اجراات کارکنان خدمات ملکی” را امروز برای رییسان، آمران و مدیران اجرائیۀ وزارت اطلاعات و فرهنگ برگزار کرد.

به گزارش. . .

چهارشنبه ۱۳۹۹/۱۱/۱۵ - ۱۱:۳۳
Background image

محمد طاهر زهیر به برگزاری باشکوه "جشنوارۀ فلم سرباز"، تاکید کرد

به ریاست محمد طاهر زهیر سرپرست وزارت اطلاعات و فرهنگ امروز نشستی به منظور آمادگی و هماهنگی به خاطر برگزاری ”جشنوارۀ فلم سرباز”، برگزار شد .

به گزارش خبرنگار آژانس باختر؛ این جشنواره را. . .

BACK TO NEWS