د پکتیکا په اطلاعاتو او کلتور ریاست کې ادبي مشاعره تر سره شوه
د پکتیکا ولایت په اطلاعاتو او کلتور ریاست کې ادبي مشاعره تر سره شوه، چې پکې شاعرانو، نعت ویونکو، د ادب مینوالو او ځوانانو ګډون کړی و.
مشاعره د قرآنکریم د څو مبارکو آیاتونو په تلاوت پیل شوه.
ورپسې د پکتيکا پوهنتون د شرعياتو پوهنځي استاد مفتي نقيب الله زاهد ''په مسلمانه ټولنه کې د ځوان مسؤليتونه" تر سرليک لاندې پر یوه موضوع لنډ بحث وکړ.
همدارنګه د مشاعرې برخه د دريځګر له لوري په څو بيتونو پيل شوه، شاعرانو خپل او انتخاب کړي شعرونه او ترانه خوانانو ترانې وړاندې کړې.
چا پکې د خپلو حماسو ياد تازه کړ، چا د غنايي اسلوب لمن ونيوه او ځينو بيا د اصلاح، وطني مينې او ترقۍ زمزمې وکړې.
غونډه د مېلمه اعجاز احمد او شاه محمود کوچي له ارزونې وروسته د مولوي سيداکبر عفان له لوري په دعا پای ته ورسېده.
۱۴۴۵/۳/۳ هـ ق
۱۴۰۲/۶/۲۷ هـ ش
