محمد طاهر زهير د سيمه ييزو ارګانونو د خپلواکې ادارې له رييس سره د همکارۍ هوکړه ليک لاسليک کړ

farzad
Tue, Sep 15 2020 10:15 AM
محمد طاهر زهير د سيمه ييزو ارګانونو د خپلواکې ادارې له رييس سره د همکارۍ هوکړه ليک لاسليک کړ

د اطلاعاتو او فرهنګ وزارت نوماند وزير او سرپرست محمد طاهرزهير نن د سيمه ييزو ارګانونو خپلواکې ادارې له رييس شميم خان کټوازي سره د فرهنګي ميراثونو د ساتنې په موخه د همکارۍ هوکړه ليک لاسليک کړ. د باختر آژانس خبريال د خبرله مخې؛ د اطلاعاتو او فرهنګ وزارت سرپرست د دغه هوکړه ليک د لاسليک کولو په مراسمو کې وويل: دغه هوکړه ليک په سيمو کې د فرهنګي ميراثونو د ساتنې لپاره ډېر مهم او اغېزمن دى. هغه وويل: موږ پخوا هم په عمل کې د فرهنګي ميراثونو د ساتنې په لاره کې په ولايتونو کې د سيمه ييزو ارګانونو له خپلواکې ادارې سره همکارۍ درلود، خو دغه هوکړه ليک د فرهنګي ميراثونو او آثارو ساتنه قانوني کوي. هغه زياته کړه: د دغه هوکړه ليک موخه د افرادو له خوا په لرغونو ساحو کې د غير قانوني کيندنو، د لرغونو ساحو او فرهنګي ميراثونو د غصبولو مخنيوى او په سيمو کې د فرهنګي ميراثونو ساتنه ده. د اطلاعاتو او فرهنګ وزارت سرپرست د سيمه ييزو ارګانونو د خپلواکې ادارې له رييس څخه وغوښتل چې په دې برخه کې همکاري وکړي. په دغو مراسمو کې د سيمه ييزو ارګانونو د خپلواکې ادارې رييس شميم خان کټوازي څرګنده کړه چې فرهنګي ميراثونه او لرغونې ساحې د افغانستان مادي او معنوي پانګې يوه برخه ده او بايد د دغو ملي پانګو ساتنه وشي. هغه وويل چې د سيمه ييزو ارګانونو خپلواکه اداره له اطلاعاتو او فرهنګ وزارت سره د فرهنګي ميراثونو په ساتنه کې هر راز همکاري ته چمتو ده. هغه زياته کړه: ټولو واليانو او ولسوالانو ته لارښوونه کوم چې د فرهنګي ميراثونه په ساتنه کې هلې ځلې وکړي او د غير قانوني کيندنو او د لرغونو ساحو د غصبولو مخه ونيسي.

کابل / د وږي ٢٥مه / باختر

Latest news

Wed, Sep 16 2020 10:52 AM
Background image

Security Key Factor in Attracting Tourists, Minister Zuhair

Acting Minister of Information and Culture, Mohammad Tahir Zuhair, chairing the first meeting of the National Tourism Board here in Kabul said security was the most important factor to. . .

Sun, Sep 13 2020 10:13 AM
Background image

Historic Moment: Afghan Govt., Taliban Open Peace Talks in Qatar


After nearly two decades of war that has killed tens of thousands, peace talks between the Government of Islamic Republic of Afghanistan and the Taliban have opened in Qatar's capital,. . .

Sat, Sep 12 2020 9:52 AM
Background image

Minister Zuhair Meets Turkmen Elders, Youth

Acting Minister of Information and Culture, Mohammad Tahir Zuhair met with a number of Turkmen elders and youth here in his office on Thursday, the ministry said in a statement.
The. . .

BACK TO NEWS