نيمروز کې د حکومت او رسنیو ترمنځ د همغږۍ غونډه ترسره شوه
تېره ورځ نيمروز ولايت کې د حکومت او رسنيو تر منځ د همغږۍ غونډه د همدې ولايت د اطلاعاتو او کلتور رئيس مفتي حبيبالله الهام په مشرۍ،ږ د نظامي اداراتو وياندویانو، د محلي رسنيو مسؤلينو او خبریالانو په شتون کې د اطلاعاتو او کلتور رياست د غونډو په تالار کې ترسره شوه.
د نيمروز د اطلاعاتو او کلتور رئيس مفتي حبيبالله "الهام" ګډونوالو ته د ښه راغلاست ترڅنګ د يادې غونډې موخه له رسنيو سره د حکومتي مسٶلينو ترمنځ همغږي او د هغوى د ستونزو اورېدل یاد کړل.
ښاغلي الهام د رسنیو مسؤلین او خبريالان د اسلامي امارت د نشراتي پالیسۍ، ځمکنۍ بشپړتیا او ملي ګټو په نظر کې نیولو سره په کاري او نشراتي بهیر کې مسلکيتوب ته وهڅول.
د نیمروز د اطلاعاتو او کلتور رئیس د رسنیو له مسٶلينو او خبریالانو سره د هر اړخیزو همکاریو او همغږيو ژمنه وکړه.
په نيمروز کې د افغان خبريالانو د خونديتوب د کميټې مسٶل عبدالغفار عزيزي د نيمروز ولايت د اطلاعاتو او کلتور له رياست څخه د رسنيو سره د همکارۍ او همغږۍ په موخه مننه وکړه او ورته غونډې یې مهمې وګڼلې.
د غونډې پای کې د يو شمېر خبريالانو له لورې پوښتنې او وړانديزونه شريک شول، چې د مسؤلینو لخوا ځوابونه ورکړل شول او همکارۍ ډاډ ورکړل شو.
۱۴۴۴/۸/۲۳ هـ ق
۱۴۰۱/۱۲/۲۵ هـ ش
