د اطلاعاتو او فرهنګ سرپرست وزیر مولوي خیرالله خیر خواه ملي ګالري بیا ځل پرانېسته.

Anonymous (not verified)
Thu, Feb 24 2022 9:17 PM
Khairkhwah

د اطلاعاتو او فرهنګ سرپرست وزیر مولوي خیرالله خیر خواه ملي ګالري بیا ځل پرانېسته.

په دې پرانېست غونډه کې چې د اسلامي امارت ویاند او اطلاعاتو او فرهنګ وزارت د خپرونو چارو معین ذبیح الله مجاهد، د فرهنګ او هنر معین مولوي سعد الدین سعید، د ګرځندوی، مالي او اداري معین مولوي عتیق الله عزیزي، یو شمېر مسوولینو او هنرمندانو ګډون کړی وو، د اطلاعاتو او فرهنګ وزیر د ملي ګالري دائمي نندارتون او د استاد محمد بشیر پیکان د خطاطۍ نندارتونونه هم پرانېستل.

د باختر آژانس د خبر له مخې؛ په غونډه کې د اطلاعاتو او فرهنګ سرپرست وزیر مولوي خیرالله خیر خواه وویل چې اوس په هېواد کې د فرهنګ او هنر د ودې لپاره مناسبه زمینه برابره شوې ده. هغه زیاته کړه چې د اطلاعاتو او فرهنګ وزارت هڅې کوي چې د اسلامي اصولو په آډانه کې د فرهنګیانو او هنرمندانو د پرمختګ لپاره زمینه برابره کړي.

هغه له هنرمندانو، لیکوالو او فرهنګیانو غوښتنه وکړه چې د هېواد اصیل فرهنګ معرفي کولو او بډاینې لپاره لاس په کار شي.

د اطلاعاتو او فرهنګ وزارت سرپرست د هېواد له هنرمندانو څخه د ملاتړ پر څرګندولو سربېره وويل چې افغانستان غوره اسلامي او فرهنګي ارزښتونه لري او دغه وزارت هڅه کوي چې د هېواد د اسلامي او فرهنګي ارزښتونو له لارې د هېواد دننه او بهر خلکو ته ستر فرهنګي او هنري پروګرامونه جوړ کړي.

د استاد پیکان د خطاطۍ په نندارتون کې ۲۰۰ اثار نندارې ته ایښودل شوي چې د دوو اوونیو لپاره به د خلکو پر مخ خلاص وي.
د یادونې وړ ده چې استاد پیکان او چشتي د خطاطۍ څلور اثار د اطلاعاتو او فرهنګ وزیر ته ډالۍ کړل او د ساتنې په موخه ملي ګالري ته وسپارل شول.

تازه ترین اخبار

Mon, Mar 20 2023 2:31 PM
Background image

The UNAMA official met with the Director of Information and Culture in Bamiyan

 

Yesterday, the head of UNAMA, Sara Dimol, met with Mr. Saifur Rehman Mohammadi, the Director of Information and Culture of Bamyan province, in this department.
In this review, the. . .

Mon, Mar 20 2023 2:20 PM
Background image

A meeting was held in Jawzjan to strengthen the relationship between the media and government agencies

 

Yesterday, a coordination meeting between the government and the media was held at the Department of Information and Culture of Jawzjan Province by the Committee for the Protection. . .

Sun, Mar 19 2023 12:13 PM
Background image

A One-Day Seminar on Studying Tradition was held in the Eighth District of Kabul city

 

Yesterday, a one-day seminar was held by the Department of Public Libraries of the Ministry of Information and Culture in the 8th District of Kabul City, Syed Noor Muhammad Shah. . .

BACK TO NEWS