د ستر لیکوال او فرهنګي شخصیت ارواښاد استاد عبدالشکور رشاد د یادغونډې په مناسبت د اطلاعاتو او فرهنګ د وزیر پيغام

zama
Wed, Nov 24 2021 2:16 PM
Alama Shakoor Rashad

ارواښاد پوهاند عبدالشکور رشاد زموږ د هیواد له هغو سترو علمي، فرهنګي او ادبي شخصیتونو څخه دی چې د دې هیواد ادبي او علمي قشر به یې همیشه د خدمتونو پوروړی وي او نوم به یې همیشه په فرهنګي مجالسو کې یادیږي.
د نوموړي د تلین په را رسیدو له هر څه مخکې د هغه روح ته دعاء کوو. الله تعالی دې پر ګور نور او  له خپلو رحمتونو څخه برخمن کړي. آمین
استاد عبدالشکور رشاد لکه څنګه چې د علم او قلم په ډګر کې نوم درلود، همدا راز د شخصیت په لحاظ هم یو مؤمن، پاک زړی، مصلح او په خپل دین، وطن او ولس مئین شخص و. هغه له خپل ولس سره بې پایه مینه درلوده، د ولس دیني او ملي ارزښتونه یې د ځان لپاره ویاړ بلل او بشپړ پرې قانع و. هغه وخت چې زموږ هیواد د شرقي او غربي پردیو نظریاتو د تقابل ډګر و، چا د شوروي نسخه راوړه او چا د غرب او امریکا په نظریاتو تاکید کاوه. استاد رشاد په خپل اسلامي او افغاني فرهنګ قانع پاته شو. همیشه د خپل ولس تر څنګ واوسید او د هر پردي جابر او غاصب ځواک په وړاندې یې خپل قلم په پوره میړانه او جرأت وچلاوه.
کله چې په افغانستان امریکایي اشغالګرو تجاوز وکړ، سره له دې چې ډير سخت امتحاني حالات و او امریکایي توپان ډیر خلک ورسره واخیستل. خو استاد رشاد دلته هم خپل ایماني مسؤلیت اداء کړ، د ( خښمیدلې امریکا) په عنوان نظم او ( د تودو وینو حمام افغانستان شو) په نوم شعري ټولګه د نوموړي د جهادي موقف ښکاره مثالونه دي چې په پوره جرأت یې د امریکایي یرغل مخالفت وکړ.
د افغانستان اسلامي امارت د اطلاعاتو او فرهنګ وزارت د استاد رشاد یادغونډه یو پر ځای او ښه اقدام بولي. زموږ ادبي ویاړونه باید همیشه په داسې غونډو کې یاد او کارنامې یې وستایل شي. تر څو د هغوی له ایماني او افغاني تشخص څخه مالامال کردارونو د ځوانو لیکوالو لپاره رهنما وګرځي او په پلونو یې ګام واخلي.
په پای کې د غونډې له ګډونوالو او جوړونکو څخه مننه کوو او د الله تعالی له دربار څخه ورته د اجر غوښتونکي یو.
په درناوي
د افغانستان اسلامي امارت د اطلاعاتو او فرهنګ سرپرست وزیر
ملا خیر الله خیرخواه

تازه ترین اخبار

Fri, Dec 03 2021 7:16 PM
Background image

Special Decree Issued by Amir al-Momenin on Women's Rights

In the name of Allah, the most merciful and the most compassionate

The Islamic Emirate's leadership directs all relevant Organizations, Ulema-e Karam and Tribal Elders to take serious. . .

Sun, Nov 07 2021 10:29 AM
Background image

Director of Information and Culture of Logar Called for Increased Media Activity

The Logar Information and Culture Director held a consultative meeting with a number of journalists in the province to improve publishing.

According to BNA reporter in this meeting, a. . .

Wed, Nov 03 2021 10:34 AM
Background image

Acting Minister of Information and Culture Stressed on Strengthen Relations Between Afghanistan and Iran

Mullah Khairullah Khairkhah, Acting Minister of Information and Culture, met with Bahador Aminian, Ambassador of the Islamic Republic of Iran to Kabul.

At the beginning, the Acting. . .

BACK TO NEWS