د حکومت د اطلاعاتو او رسنیو مرکز د رییس او د هېواد د نامتو رسنیز فعال دواخان مینه پال د ترور په اړه د اطلاعاتو او فرهنګ وزارت مشرتابه د خواشینۍ پیغام

farzad_moicgovaf
Fri, Aug 06 2021 2:02 PM
د حکومت د اطلاعاتو او رسنیو مرکز د رییس او د هېواد د نامتو رسنیز فعال دواخان مینه پال د ترور په اړه د  اطلاعاتو او فرهنګ وزارت مشرتابه د خواشینۍ پیغام

په ډېرې خواشینۍ مو خبر ترلاسه کړ چې د حکومت د اطلاعاتو او رسنیو مرکز رییس او د هېواد د رسنیز ډګر فعال او د اطلاعاتو او فرهنګ وزارت ښه همکار نن له غرمې وروسته په کابل کې په داسې حال کې چې د جمعې لمانځه د اداکولو لپاره جومات ته روان و، په ترهګریز برید کې ژوند بایلود.

دغه خبر موږ سخت خواشیني کړو او بشپړ باور  لرو چې دغه خبر د هېواد د رسنیو کورنۍ هر غړی او ټول هغه خلک چې دا نېک او وطن پالی شخصیت یې له نږدې پېژاند، سخت خواشیني کړي دي.

شهید مینه پال یو مهال د قندهار د اطلاعاتو او فرهنګ رییس و. همدارنګه څه موده د اطلاعاتو او فرهنګ وزارت د عامه کتابتونونو رییس هم و، بیا د جمهوري ریاست د ویندوی د مرستیال په توګه یې کار  وکړ او په دغو وروستیو کې د حکومت د اطلاعاتو او رسنیو د مرکز رییس و. همدارنګه شهید مینه پال د خبریالانو او رسنیو د نورو کارکوونکیو د مالي ملاتړ صندوق په جوړولو کې د پام وړ نقش لاره او د دغه صندوق د مشرتابه غړی هم و. دی په خپلو اړوندو چارو کې د هېواد د یو رښتیني خدمتګار، رسنیر فعال او د بیان آزادۍ د پیاوړي ملاتړي په توګه ښه وځلېد.

د اطلاعاتو او فرهنګ وزارت د هېواد د رسنیز ډګر د نامتو فعال ترور په کلکه غندي او د دغه برید عاملان د بیان آزادۍ او رسنیو دښمنان ګڼي.

د اطلاعاتو او فرهنګ وزارت د مینه پال مرګ د هېواد په رسنیز ډګر کې نه جبرانېدونکې ضایعه بولي او ځان په دغه ویر او ماتم کې شریک ګڼي او د لوی خدای له درباره ورته د فردوس جنت او د ده کورنۍ او همدارنګه د هېواد د رسنیو کارکوونکیو ته د صبر او زغم هیله کوي.

کابل/ د زمري ۱۵ مه/ باختر

تازه ترین اخبار

Fri, Dec 03 2021 7:16 PM
Background image

Special Decree Issued by Amir al-Momenin on Women's Rights

In the name of Allah, the most merciful and the most compassionate

The Islamic Emirate's leadership directs all relevant Organizations, Ulema-e Karam and Tribal Elders to take serious. . .

Sun, Nov 07 2021 10:29 AM
Background image

Director of Information and Culture of Logar Called for Increased Media Activity

The Logar Information and Culture Director held a consultative meeting with a number of journalists in the province to improve publishing.

According to BNA reporter in this meeting, a. . .

Wed, Nov 03 2021 10:34 AM
Background image

Acting Minister of Information and Culture Stressed on Strengthen Relations Between Afghanistan and Iran

Mullah Khairullah Khairkhah, Acting Minister of Information and Culture, met with Bahador Aminian, Ambassador of the Islamic Republic of Iran to Kabul.

At the beginning, the Acting. . .

BACK TO NEWS