د میدان وردګوعامه کتابتون په افغانستان کې یو ستر کتابتون دی چې ترکار لاندې دی
د میدان وردګو د عامه کتابتون د نوي تاسیساتو د جوړولو کار په چټکی سره دوام لري.
دغه کتابتون په میدان وردګو ښارکې د یو زرو دوه سوه متره مربع ځمکې په ساحه کې په دریو پوړونو کې ترکار لاندې دی.
دغه کتابتون له پرانیستلو وروسته به په افغانستان کې یو ستر کتابتون وي.
دغه کتابتون د سلګونو زرو ټوکو کتابونو د ساتلو ترڅنګ د مطالعې، صحافۍ، د کتابتونو نندارې، د فرهنګي غونډې سالون او د اداري دفترونو ظرفیت به ولري.
د ښارجوړولو او اراضی وزارت وايي چې د دغه کتابتون په جوړولو کې ۶۰ میلیونه ۹ سوه زره افغانۍ لګوي.
هیله کېږي د میدان وردګو عامه کتابتون له پرانیستلو وروسته په هېواد کې له سترو کتابتونونو څخه وي.
دغه کتابتون ټاکل شوې ده تر شپږو میاشتو پورې پرانیستل شي.
د اطلاعاتو او فرهنګ وزارت وايي چې چمتو دی دغه کتابتون په بېلابېلو څانګو کې په زرګونو ټوکه کتابونو سره سبمال کړي.
دغه وزارت په ټول افغانستان کې عامه کتابتونه لري، هغه ځایونه چې زده کوونکي ځوانان او ټول خلک وکولای شي په وړیا توګه ترې استفاده وکړي.
کابل/ د غبرګولي ۲۹ / باختر
