د فکري انحراف مخنیوي په نوم کتاب لوستنې سیالۍ مخکښ ګډونوال وستایل شول
د هلمند اطلاعاتو او کلتور ریاست نادعلي ولسوالۍ کې د لسګونو زده کوونکو ترمنځ د فکري انحراف په نوم د کتاب لوستنې سیالۍ ۲۰ تنه مخکښ کډونوال په بېلابېلو ډالیو ونازول.
مسؤلینو دغه ډول سیالۍ د ځوانانو د فکري جوړښت لپاره خورا اغیزمنې وبللې او ویې ویل: د اطلاعاتو او کلتور ریاست په پام کې لري، چې د همکارو ادارو په ملتیا د ځوانانو فکري جوړښت لپاره دې ته ورته نورې سیالۍ او پروګرامونه هم جوړ کړي.
له یادې سیالۍ څخه موخه مطالعې ته د ځوانانو هڅول، د اسلامي نظام تاریخ، د اسلامي نظام ساتنې او د فکري یرغل په اړه ځوانانو ته معلومات ورکول وو.
د یادونې وړ ده، چې د یادې سیالۍ لومړي او دوهم مقام ګټونکو ته کمپیوټرونه، درېم، څلورم او پنځم مقام ګټونکو ته ساعتونه او ۱۵ تنو مخکښ کډونوالو ته بېلابېلې مادي او معنوي ډالۍ ورکړل شوې.
۱۴۴۷/۹/۶ هـ ق
