فراه کې د خبريالانو د خونديتوب کمېټې د همغږۍ ناسته وشوه
د فراه ولایت په اطلاعاتو او کلتور رياست کې د خبريالانو د خونديتوب کمېټې د همغږۍ ګډه ناسته ترسره شوه، چې پکې د اطلاعاتو آمر، په لويديځ زون کې د خبريالانو د خونديتوب کمېټې مسؤل، د يادې کمېټې ولايتي مسؤل، د رسنيو استازو او خبریالانو ګډون کړی وو.
په لويديځ زون کې د خبريالانو د خونديتوب کمېټې مسؤل د دغې ناستې موخه د امارتي ادارو او خبريالانو ترمنځ د همغږۍ پياوړتيا، اطلاعاتو ته د لاسرسي څرنګوالی څېړل او د رسنیزو چارو په وړاندې د شته ستونزو حل وبلله، نوموړي د اطلاعاتو او کلتور رياست له مسؤلينو څخه وغوښتل، چې اطلاعاتو ته لاس رسي په برخه کې لا زیاته همکاري وکړي.
د ناستې په لړ کې د فراه د اطلاعاتو آمر د هر اړخيزې همکارۍ ډاډ څرګند کړ او زياته یې کړه؛ چې د شته ستونزو د حل په موخه به له امارتي ادارو سره همغږي ترسره او د خبریالانو ټولو ستونزو ته به رسېدنه وشي.
۱۴۴۷/۵/۱۹ هـ ق
