د ملي ارشیف د بيارغونې چارې پیل شوې
د اطلاعاتو او کلتور وزارت د پراختيايي بودیجې څخه د ۴.۶ میلیونو افغانیو په لګښت د ملي ارشیف د اساسي ترمیم چارې پیل شوې.
د اطلاعاتو او کلتور وزارت د هنر او کلتور معین مولوي عتیق الله عزیزي د یادې پروژې د پیل مراسمو کې وويل: د ملي ارشیف ودانۍ ساتنه ډېره مهمه ده، ځکه دا ودانۍ د هېواد له مهمو تاریخي آبداتو څخه شمېرل کېږي.
د ښاغلي عزیزي په وينا؛ د دې ودانۍ ترمیم او استحکام به د ملي ارشیف په زېرخانو کې تاریخي اسناد او مخزنونه د هوا او موسم له طبیعي زیانونو خوندي وساتي.
ټاکل شوې چې د دې پروژې چارې به په شپږو میاشتو کې بشپړې شي.
۱۴۴۶/۵/۲۷ ھ ق
۱۴۰۳/۹/۹ ھ ل
