د کلتوري او هنري جايزو کانکور قضاوت پلاوي ناسته وکړه

د اطلاعاتو او کلتور وزارت د کلتور او هنر معین عتیق الله عزیزي په مشرۍ د کلتوري او هنري جایزو د کانکور سیالۍ قضاوت پلاوي د پېژندنې ناسته تر سره شوه.
غونډه د قرآن عظیم الشان د څو مبارکو آیاتونو په تلاوت سره پیل شوه، ورپسې د خلکو د کلتور رئیس حافظ مولوي سیف الرحمن محمدي ګډونوالو ته ښه راغلاست وویل او ګډونوالو ته یې د کلتوري او هنري جایزو د کانکور سیالۍ په اړه هر اړخیز معلومات وړاندې کړل.
محمدي صاحب د دغه کانکور په خاطر د نوماند شویو آثارو شمېر ۴۸۸ قلمه وښود چې یوازې د کابل ولایت څخه ۲۷۱ قلمه آثار نوماند شوي او پاتې ۲۱۷ قلمه آثار له نورو ولایتونو څخه رارسېدلي دي.
ورپسـې ښاغلي عزیزي خبرې وکړې او ویې ویل: د خلکو د کلتور ریاست د کارکوونکو کړنې د تقدیر او ستاینې وړ دي چې په خپلو هلو ځلو سره یې تېر کال هم د هېواد په کچه دغه سیالي جوړه کړې وه. اوس یې بیا په دې لاره کې هڅې روانې دي.
ورپسې یاد قضاوت پلاوي د غونډې ګډونوالو ته ور وپېژندل شول.
د یادونې وړ ده چې یاد قضاوت پلاوي په مختلفو کلتوري او هنري برخو کې یوویشت کسه غړي لري، چې ټول یې په خپلو برخو کې د لوړو علمي رتبو او آثارو درلودونکي دي.

 ۱۴۴۵/۳/۲ هـ ق
۱۴۰۲/۶/۲۶ هـ ش