هارون حکیمي: له کرښې هاخوا افغانانو په سختو ورځو کې د افغانستان ملاتړ کړی او اوس یې بیا وخت دی چې خپل ملاتړ څرګند کړي

farzad_moicgovaf
سه‌شنبه ۱۴۰۰/۵/۱۹ - ۱۴:۱۳
هارون حکیمي: له کرښې هاخوا افغانانو په سختو ورځو کې د افغانستان ملاتړ کړی او اوس یې بیا وخت دی چې خپل ملاتړ څرګند کړي

د اطلاعاتو او فرهنګ وزارت د فرهنګ او هنر معین هارون حکیمي وايي چې له کرښې هاخوا افغانانو تل په سختو شرایطو کې د افغانستان ملاتړ کړی او نن یې بیا وخت دی چې له افغانستان څخه خپل ملاتړ څرګند کړي. په وینا یې د بر افغان د ثبات لپاره د لر پښتنو ونډه هر وخت اړینه وه؛ خو اوس یې اړتیا لا ډېره شوې ده.

هارون حکیمي دغه څرکندونې نن د باچا خان (اصلاح الافاغنه) غورځنګ چې د ۱۹۲۱ کال د اپریل په لومړۍ د انګلیس پر وړاندې د ذهنونو د روښانولو له هڅې پیل شوی چې بیا یې د علمي او  فرهنګي مبارزې لارې خپلې مبارزې ته دوام ورکړی دی، د سلمې کالیزې په درشل کې د نمانځنې په مناسبت جوړې شوې غونډه کې وکړې.

په دې غونډه کې د هېواد د جمهور رییس محمد اشرف غني فرهنګي سلاکارانو زرین انځور، اسدالله غضنفر، د علومو اکاډمۍ رییس ډاکټر ظاهر شکېب، مورخینو، لیکوالانو، د بېلابېلو بنسټونو استازو او علمي شخصیتونو استاد حبیب الله رفیع، عزیز، د سرحدونو او قبایلو چارو وزارت همکار بختیاني خدمتګار او ډاکټر طارق رشاد ګډون کړی و.

د دغه غورځنګ ۱۰۰ مه کالیزه د افغانستان د جمهور رییس د حکم پر بنسټ او د اطلاعاتو او فرهنګ وزارت د فرهنګ او هنر معینیت په همکارۍ په درې ورځني علمي- څېړنیز سمینار کې نمانځل کېږي.

د دغه سمینار علمي کمېټې نن د سمینار پر منځپانګه، چاپ شویو کتابونو، مقالو او د غونډې پر څرنګوالي خبرې وکړې.

په پام کې ده دغه سمینار د روان کال د وږي میاشتې له نهمې څخه تر یوولسمې پورې په کابل کې پیل او په ننګرهار کې به د خان عبدالغفار خان پر مزار پای ته ورسېږي.

د اطلاعاتو او فرهنګ وزارت د فرهنګ او هنر معین هارون حکیمي وايي چې دغه سمینار د باچا خان او د هغه د ملګرو د هڅو په درناوي جوړېږي.

د فرهنګ او هنر معین زیاتوي چې د باچا خان په علمي – څېړنیز سمینار کې به د اصلاح الافاغنه غورځنګ پر اړتیا او هڅو علمي مقالې ولوستل شي، په وینا یې اوس هم افراطیت ورځ تر بلې افغانستان او سیمه ننګوي.

په ورته وخت کې د باچا خان علمي – څېړنیز سمینار د علمي کمېټې غړي زرین انځور وویل چې سمینار ته پوره چمتووالی نیول شوی او د یاد سمینار لپاره ۱۳ کتابونه او ۴۰ علمي مقالې چاپ شوې دي.

د یادونې وړ ده چې دغه سمینار ته د هېواد او سیمې مطرح شخصیتونه رابلل کېږي او په بېلابېلو هنري او کلتوري اړخو سربېره به په یاد سمینار کې په تېرو سلو کلونو کې د (اصلاح الافاغنه) غورځنګ په هغه مبارزه چې د لر او بر افغانانو په ذهني تنویر کې یې کوم رول لوبولی دی، مقالې ولوستل شي .

کابل/ د زمري ۱۹ مه/ باختر

تازه ترین اخبار

چهارشنبه ۱۴۰۰/۹/۱۷ - ۱۰:۱
Background image

رهنمودهای امیرالمؤمنین حفظه الله به والیان در مورد افغان‌های رونده به کشورهای غربی

  

آنعده افغان‌های که به بهانه مشکلات سیاسی یا اقتصادی تلاش به ترک کشور دارند و برخی‌ها می‌خواهند با اطفال خوردسن و خانم‌ها به کشورهای غربی بروند، که سپس دران جا به دلایل مختلف با بعضی. . .

جمعه ۱۴۰۰/۹/۱۲ - ۱۹:۱۶
Background image

فرمان خاص عالیقدر امیرالمؤمنین در مورد حقوق زنان صادر شد

بسم الله الرحمن الرحیم

مقام رهبری امارت اسلامی به همه مسئولان امارت اسلامی، علمای کرام و بزرگان قومی هدایت می‌دهد که برای تامین حقوق ذیل زنان اقدامات جدی نمایند:

۱- رضایت دختران بالغ. . .

سه‌شنبه ۱۴۰۰/۹/۹ - ۱۳:۳۳
Background image

معین جدید امور جوانان وزارت اطلاعات و فرهنگ معرفی شد

ملا خیرالله خیرخواه سرپرست وزارت اطلاعات و فرهنگ امروز در محفلی حاجی ملا فیض الله آخند را به عنوان معین جدید امور جوانان وزارت اطلاعات و فرهنگ به کارمندان آن معینیت معرفی کرد.

به گزارش. . .

BACK TO NEWS