محمد طاهر زهير د باختر اطلاعاتي آژانس پرمختللى وېب سايټ پرانیست

farzad_moicgovaf
دوشنبه ۱۴۰۰/۲/۱۳ - ۱۱:۳۵
محمد طاهر زهير د باختر اطلاعاتي آژانس پرمختللى وېب سايټ پرانیست

د اطلاعاتو او فرهنګ وزارت سرپرست محمد طاهر زهير نن د مطبوعاتو د آزادۍ نړيوالې ورځې په مناسبت د “باختر اطلاعاتي آژانس” پرمختللى وېب سايټ پرانیست.
د باختر آژانس خبريال د خبر له مخې؛ په هغې غونډه کې چې په همدې مناسبت د اطلاعاتو او فرهنګ وزارت د خپرونو چارو د معين عبدالمنان شېواى شرق، يوشمېر حکومتي مسوولينو او د رسنيزو بنسټونو د استازو او يوشمېر مسوولينو په ګډون د اطلاعاتو او فرهنګ وزارت د مطبوعاتو د نړيوال مرکز په تالار کې جوړه شوه؛ د اطلاعاتو او فرهنګ وزارت سرپرست د مطبوعاتو د آزادۍ نړيوالې ورځې په مناسبت د هېواد ټولو خبريالانو او د مطبوعاتو او رسنیزې ټولنې کارکوونکو ته مبارکي وويله او د هېواد د رسنيو د کارونو قدرداني وکړه.
د اطلاعاتو او فرهنګ وزارت سرپرست په هېواد کې د اطلاع رسونې په کار کې د باختر اطلاعاتي آژانس نقش مهم وباله او د اطلاع رسونې، رسنیز کار او د خبرونو د خپرولو په لاره کې یې د باختر اطلاعاتي آژانس د رييس نجيب الله شينواري او د دغه خبري آژانس د ټولو خبريالانو او کارکوونکو د هلوځلو له امله مننه او قدرداني وکړه.
هغه څرګنده کړه چې د بيان او مطبوعاتو آزادي په آسانۍ سره نه ده ترلاسه شوې او د مطبوعاتو آزادۍ ته د رسېدو په لاره کې د هېواد رسنیزې ټولنې پرله پسې هلې ځلې کړې او قربانۍ يې کړې دي او د هېواد د رسنيو د کارکوونکو هڅې د قدر وړ دي.
محمد طاهر زهير د باختر اطلاعاتي آژانس د وېب سایټ پراختيا يو ستر برياليتوب وباله او د اطلاع رسونې او رسنیز کار په لاره کې يې د دغه خبري آژانس مشرتابه او خبريالانو ته د زياتو برياليتوبونو او پرمختګونو هيله وکړه.
دغه راز د اطلاعاتو او فرهنګ وزارت سرپرست د باختر اطلاعاتي آژانس د پرمختللي وېب سايټ په پرانیستغونډه کې ټينګار وکړ چې دغه وزارت د خبريالانو او د هېواد د رسنیزې ټولنې ملاتړى دى.
په همدې ترتيب د باختر اطلاعاتي آژانس د وېب سايټ د تخنيکي برخې مسوول احمد وليد خالقي د باختر اطلاعاتي آژانس د پرمختللي وېب سايټ په اړه معلومات ورکړل او ويې ويل چې پرمختللی وېب سايټ پنځه مهمې برخې لري او د دري، پښتو او انګليسي ژبو ترڅنګ، عربي او روسي ژبې هم پکې زياتې شوې دي.
هغه زياته کړه چې د فېسبوک او ټويتر پاڼو پراختيا او دغه راز “ملي دومېن .af ته د “تجارتي دومېن” لېږدول او د باختر اطلاعاتي آژانس د وېب سايټ د تخنيکي برخو پراختيا هم د وېب سايټ له پرمختللو برخو څخه ده.

کابل/ د غويي ١۳ مه/ باختر

تازه ترین اخبار

چهارشنبه ۱۴۰۰/۲/۱۵ - ۱۲:۲۰
Background image

محمد طاهر زهیر: وزارت اطلاعات و فرهنگ با اهل فرهنگ صمیمی و همکار است

محمد طاهر زهیر سرپرست وزارت اطلاعات و فرهنگ، امروز در محفل اعطای جایزۀ، اکادمی کلک زرین، به شماری از شاعران و نویسندگان، تاکید کرد که این وزارت می کوشد با اهل فرهنگ در صلح دایمی، صمیمی. . .

سه‌شنبه ۱۴۰۰/۲/۱۴ - ۱۱:۶
Background image

محمد طاهر زهیر: استاد زین الله منلی، شخصیت فاضل و از چهره های فرهنگی منصف و خیرخواه کشور بود

سرپرست وزارت اطلاعات و فرهنگ در مراسم اولین سالگرد وفات معاون سرمحقق زین الله منلی، شاعر، نویسنده و عضو اکادمی علوم افغانستان گفت: استاد زین الله منلی، شخصیت فریختە، فاضل و از چهره های. . .

دوشنبه ۱۴۰۰/۲/۱۳ - ۱۴:۳۱
Background image

سازمان عفو بین الملل: حکومت افغانستان باید خبرنگاران را از خشونت ‌های پیچیده محافظت کند

سازمان عفو بین الملل از حکومت افغانستان خواسته است که  باید خبرنگاران از خشونت ‌های پیچیده محافظت شوند و اقدامات فوری برای محافظت از آنان روی دست گیرد.

این فراخوان به مناسبت روز بین. . .

BACK TO NEWS