هلمند اطلاعاتو او کلتور رئیس د یونیسف نړیوال سازمان له ولایتي مسؤل سره وکتل
تېره ورځ د هلمند د اطلاعاتو او کلتور رئیس حافظ عبدالباري راشد په خپل کاري دفتر کې د یونیسف نړیوال سازمان د هلمند څانګې له مسؤل ښاغلي محمد اینوا ذکریا او یونیسف اړوند همکارو مؤسیساتو له مسؤلینو سره وکتل.
د اطلاعاتو او کلتور رئیس حافظ عبدالباري راشد د یونیسف له ولایتي مسؤل محمد اینوا ذکریا او همکارو مؤسیساتو مسؤلینو له راتګ څخه مننه وکړل.
ښاغلي اینوا او همکارانو یې له ښاغلي راشد څخه وغوښتل چې د یونیسف اړوند، د کومو پروژو پرانیستنه ترسره کیږي هغه دې رسنیزه شي، د ده په خبره چې موږ د هلمند ولایت په ډېرو برخو کې مرستندویه پروګرامونه لرو چې خبري پوښښ ته اړتیا لري، په دې سره زموږ فعالیتونو ته انعکاس ورکول کیږي.
ښاغلي راشد د یونیسف له کړنو خوښي وښوده او رسنیزه برخه کې یې د همکارۍ ډاډ ورکړ.
حافظ راشد وویل، موږ په هغه کړنو چې ولس ته یې ګټه رسیږي خوشحاله کیږو او رسنیز پوښښ یې پر ځان لازم ګڼو، دا د ولس خدمت دی زموږ دولتي او شخصي رسنۍ همېشه د خپل ولس په خدمت کې دي.
په پاي کې همکارو مؤسیساتو مسؤلینو د رسنیو اړوند خپلې ستونزې او غوښتنې د اطلاعاتو او کلتور رئیس سره شریکې کړې او هغه ډاډ ورکړ چې هره ستونزه به مو پر خپل وخت حل شي.
محمد اینوا ذکریا د اطلاعاتو او کلتور ریاست له رسنیزو همکاریو مننه وکړه چې د یاد سازمان سره یې ترسره کړي دي.
۱۴۴۴/۸/۲۷ هـ ق
۱۴۰۱/۱۲/۲۹ هـ ش
