د کندهار اطلاعات او کلتور ریاست د ښوونيزو مرکزونو د ۱۰۰ عمومي اول نمره ګانو ستاینغونډه تر سره کړه

wali_admin
ثلاثاء, مارس 21 2023 11:16 صباحا
AFG

 

تېره ورځ د کندهار ولایت د اطلاعات او کلتور رياست کې د خصوصي او دولتي پوهنتونونو، انسټیټوټونو او ښوونځیو د ۱۰۰ عمومي اول نمره ګانو د ستاینې او هڅونې په موخه ستاینغونډه جوړه شوه، چې پکې د کندهار ولایت مرستیال والي مولوي حیات الله مبارک، د اطلاعات او کلتور رئیس مولوي نوراحمد سعید، مرستیال یې ملا شمس الله صمیم، د کندهار پوهنتنون رئیس مولوي محمد اکرم شاه عاصم، د پوهنې رئیس مولوي فخرالدین نقشبندي، د خصوصي او دولتي ښوونځیو، پوهنتونونو او انسټیټوټونو رئیسانو، استادانو او زده کوونکو ګډون کړی و.
د غونډې په پیل کې د اطلاعاتو او کلتور رئیس مولوي نور احمد سعید وویل، چې د ا.ا.ا. اصلي هدف د هېواد آبادي، پرمختګ، د ظالمانو او ټوپک سالرانو څخه د ولس ساتل، د خارجي یرغلګرو پر وړاندې مبارزه او په هېواد کې د اسلامي نظام ټينګول دي.
ښاغلي سعید ځوانان وهڅول، چې خپلو زده کړو ته دوام ورکړي، دوامداره مطالعه وکړي او خپل ارزښتناکه وخت بې ځایه تېر نه کړي؛ ډاډ یې ورکړ، چې استعدادونه به ستايل کيږي او د وطن جوړونې په برخه کې به کار ورڅخه اخيستل کيږي.
ورپسې مرستیال والي مولوي حیات الله مبارک د افغانستان د باشهامته ولس پر مېړانه خبرې وکړې او ځوانان یې وهڅول، چې د فکري جګړې تر اغېز لاندې رانه شي.
همدا راز د کندهار پوهنتون رئيس وویل، چې موږ په اسلامي فکر سمبال او د عصري علم ځوانان لرو، چې په نړۍ کي یې ساری نشته، هغه له ځوانانو او زده کوونکو وغوښتل، چې خپلو زده کړو ته دوام ورکړي.
ورپسې د پوهنې رئیس ځوانانو ته ډاډ ورکړ، چې کاري زمینه درته برابرو او د زده کړو په برخه کې به ډېري آسانتیاوې درته برابرې کړو.
د غونډې په وروستۍ برخه کې د غونډې ارزیابي استاد حیات الله رفیقي وکړه، ښاغلي رفیقي یاده غونډه ګټوره وبلل او د اطلاعات او کلتور ریاست دا او نور نوښتونه یې د کندهار او ټولنې له پاره خورا مهم او ګټور وبلل او د ښوونيزو مرکزونو عمومي اول نمره ګانو ته یې ستاینلیکونه ورکړل.

۱۴۴۴/۸/۲۷ هـ ق
۱۴۰۱/۱۲/۲۹ هـ ش
 

تازه ترین اخبار

أربعاء, يوليو 24 2024 4:04 مساء
Background image

الآثار الموجودة في معدن مس عينك ستبقى آمنة ومحفوظة

يوم الأربعاء (18 محرم 1446هـ) اعتبر معالي وزير الإعلام والثقافة ملا خير الله خيرخواه حفل بدء العمل العملي لاستخراج معدن مس عينك في مديرية محمد آغا بولاية لوجر لحظة فخر في تاريخ. . .

أربعاء, يوليو 24 2024 9:31 صباحا
Background image

مساهمة الصين في حماية المناطق التاريخية والقديمة في أفغانستان

 وصل نائب وزير الإعلام والثقافة الصيني السيد (لي كون) والوفد المرافق له إلى كابل في زيارة خاصة، واستقبله في أفغانستان نائب وزيرلشؤون الفن والثقافة،التابع لوزارة الإعلام  والثقافة مولوي. . .

ثلاثاء, يوليو 23 2024 4:53 مساء
Background image

بالإضافة إلى زيادة القوة الأكاديمية للشباب، يتم أيضًا إثراء المكتبة العامة في جوزجان

يوم الثلثاء (17 محرم الحرام 1446)، إلتقى معالي وزير الإعلام والثقافة الحاج ملا خير الله خيرخواه، ونائب وزيرلشؤون السياحة والمالية والإدارة قدرت الله جمال في مقام الوزارة مع محافظ محافظة. . .

BACK TO NEWS