د ځوانانو چارو معين د يو مطبوعاتي کنفرانس له لارې د خبريالانو پوښتنې ځواب کړې

wares_admin
أربعاء, مارس 15 2023 10:53 صباحا
....


د اطلاعاتو او کلتور وزارت د ځوانانو چارو معين مولوي محمد يونس راشد ننګرهار ولايت ته د خپل سفر په ترڅ کې د یاد ولایت د اطلاعاتو او کلتور رياست په ښوونيز مرکز کې يو مطبوعاتي کنفرانس له لارې رسنيو ته د معلوماتو ورکولو ترڅنګ د خبريالانو پوښتنې ځواب کړې.
د ځوانانو چارو معين وويل، د اطلاعاتو او کلتور وزارت د ځوانانو چارو معينيت د هېواد په کچه د ځوانانو د ښې راتلونکې لپاره هلې ځلې کوي، په همدې خاطر موږ خپله طرحه عاليقدر اميرالمؤمنين حفظ الله ته وړاندې کړې ده، د هغوی له لوري موږ ته پوره اطمينان او ډاډ راکړل شوی، چې د ځوانانو د ښې راتلونکې لپاره به له ټولو ممکنه امکاناتو څخه کار واخيستل شي، څو مو د هېواد ځوانان په تعليمي او تحصيلي ډګر کې د سيمې په کچه داسې وروزل شي، چې پرمټ يې زموږ وران ويجاړ هېواد ودان او د خلکو د ژوندانه د سطحې د لوړوالي سبب وګرځي.
نوموړي همدا راز وويل: زموږ د هېواد ځوانان بايد د غربيانو په پوچو تبليغاتو ونه غولېږي، د هېواد څخه د فرار پرځای بايد په خپل کور کې په نيمه ډوډۍ اکتفا وکړي او د نيمې ډوډۍ په قيمت دې خپل تعليم او تحصيل مخته يوسي.
ښاغلي راشد زیاته کړه، چې د ماليې وزارت ته مو د افغانستان په بودجه کې، د ځوانانو لپاره د يو ځانګړي سهم غوښتنه کړې ده، د دغه بودجې په منظوریدو سره به د ځوانانو لپاره په بېلابېلو برخو کې ښه امکانات برابر او هغه تشې، چې اوس شته ډکې او د ځوانان ستونزې به پرې کمې شي.
د کنفرانس په پای کې ښاغلي راشد د خبريالانو د پوښتنې په ځواب کې وويل، د هېواد په کچه يې د ۸۰۰ ځوانو رهبرانو د روزنې پروګرام په لاره اچولی، چې له روزنې وروسته به ياد رهبران په ټولو ولاياتو او ولسواليو کې د خپلو شوراګانو له لارې د حکومت استازيتوب کوي.

 ۱۴۴۴/۸/۲۱ هـ ق
۱۴۰۱/۱۲/۲۳ هـ ش

تازه ترین اخبار

ثلاثاء, فبراير 11 2025 2:21 مساء
Background image

عقد الإجتماع التنسيقي مع ممثلي الإدارات فيما يتعلق بحماية القيم الجهادية

عقدت قيادة وزارة الإعلام والثقافة اجتماعا تنسيقيا مع ممثلي بعض الإدارات فيما يتعلق بحماية القيم الجهادية.
 حضر اللقاء مولوي قدرة الله جمال نائب وزيرلشؤون السياحة المالية والإدارية،. . .

اثنين, فبراير 10 2025 2:17 مساء
Background image

تمت عقد جلسة دورية للجنة تقييم الكتب

يوم الإثنين، 11/ 8/ 1446 هـ، عقدت وكالة شؤون النشر بوزارة الإعلام والثقافة،  الجلسة الدورية، لتقييم الكتب.
وشارك في هذه الجلسة مولوي مهاجر فراهي، نائب وزير لشؤون النشر بوزارةالإ علام. . .

أحد, فبراير 09 2025 9:14 صباحا
Background image

قيام نائب وزير لشؤون السياحة والمالية والإدارة بوزارة الإعلام والثقافة بالزيارة إلى رئاسة الإعلام والثقافة بمحافظة خوست 

قام نائب وزير بوزارة الإعلام والثقافة للشؤون المالية والإدارية، والسياحية مولوي قدرت الله جمال، ورئيس مكتب الوزارةالمذكورة مولوي إحسان الله حسان، ورئيس شؤون الموظفين مولوي نقيب الله. . .

BACK TO NEWS