ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

moic_admin
أربعاء, سبتمبر 28 2022 3:00 مساء
moic.gov.af-khairkhwa

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په همدې مناسبت جوړه شوې غونډه کې د اطلاعاتو او فرهنګ وزارت سرپرست وزیر ملا خیرالله خیرخواه، د دغه وزارت د خپرونو چارو معین مهاجر فراهي، د باختر اطلاعاتي آژانس رئیس عبدالواحد ریان او د یو شمېر وزارتونو او مستقلو ادارو ویاندویانو او استازو ګډون کړی و.

د غونډې په پيل کې، د اطلاعاتو او فرهنګ وزارت سرپرست وزیر ملا خیرالله خیرخواه، په اوسني وخت کې د رسینو پر ارزښت او مسوولیتونو خبرې وکړې او ویې ویل: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی.

ملا خیرخواه، د وزارتونو او مستقلو ادارو له ویاندویانو څخه وغوښتل چې د خپلو ادارو فعالیتونه او لاسته راوړنې له اطلاعاتو او فرهنګ وزارت سره شریکې کړي چې د دغه وزارت له لارې له هېوادوالو سره شریکې شي.

هغه یادو ویاندویانو ته لارښوونه وکړه چې خپل خبرونه او نور معلومات له خپرېدو مخکې له باختر اطلاعاتي آژانس سره چې د اسلامي امارت رسمي ژبه ده، شریک کړي چې له دې لارې له نورو رسنیو او خلکو سره شریک شي او د دښمن د زهرجنو تبلیغاتو مخه ونیول شي.

وروسته، د اطلاعاتو او فرهنګ وزارت د خپرونو چارو معین مهاجر فراهي، په نړۍ کې د نظامونو په ټینګښت او له منځه وړلو کې د رسنیو د رول په اړه خبرې وکړې او پر ویاندویانو یې غږ وکړ چې د اوسني اسلامي نظام دفاع وکړي او په وخت او بشپړ دقت سره د خپلو ادارو خبرونه او نور معلومات له اطلاعاتو او فرهنګ وزارت سره شریک کړي چې د افغانستان اسلامي امارت کړنې او لاسته راوړنې د افغانستان خلکو او نړیوالو ته ورسول شي.

فراهي زیاته کړه: دښمنان د اسلامي امارت پر وړاندې دسیسې جوړوي، خو د هغوی د ناوړو دسیسو د شنډولو او مخنیوي لپاره باید له دفاعي حالت څخه تهاجمي حالت غوره کړو.

د خپرونو چارو معین دغه راز د معلوماتو شریکولو په برخه کې د امارتي ادارو ترمنځ پر همغږۍ او له رسنیو او خبریالانو سره یې پر ښو اړیکو ټینګار وکړ او په دې برخه کې یې د اطلاعاتو او فرهنګ وزارت د همکارۍ ډاډ ورکړ.

په همدې حال کې، د باختر اطلاعاتي آژانس رئیس عبدالواحد ریان د دغه آژانس د فعالیتونو او لاسته راوړنو په اړه معلومات ورکړل او له ویاندویانو څخه یې وغوښتل چې له خپرېدو مخکې خپل خبرونه، راپورونه او ویډیوګانې له باختر آژانس سره شریک کړي.

د غونډې په دوام، د اطلاعاتو او فرهنګ وزارت د رسنیو پر خپرونو د څار رئیس عبدالحق حماد له یادو ویاندویانو څخه وغوښتل چې د نظام د ساتنې او پیاوړتیا لپاره دې د خپلو ادارو پر ټولو چارو ځان خبر کړي.

د غونډې په پای کې، د کانونو او پټرولیم، صنعت او تجارت، د مهاجرینو او راستنېدونکو چارو، د سرحدونو، قومونو او قبایل چارو وزارتونو، د پلټنې عالي ادارې او د ملي پراختیا شرکت ویاندویانو د موضوع په اړه خبرې وکړې او خپلې غوښتنې، وړاندیزونه او ستونزې یې شریکې کړې.

هغوی هم د نظام په ساتنه او پیاوړتیا کې د رسنیو رول مهم وباله او د اطلاعاتو او فرهنګ وزارت او ویاندویانو ترمنځ یې پرهمغږۍ ټینګار وکړ.

تازه ترین اخبار

أربعاء, ديسمبر 06 2023 10:13 صباحا
Background image

تم انعقاد مشیرة فی ذکریات شاعر الملحی الراحل ملا در محمد جوهری

أمس فی لوجر انعقد مشیرة علی مستوی الدولة متعلق بدائرة الاعلام والثقافة بواسطة مدیر الاعلام والسیاحة باسم ملحی شاعر الراحل ملا در محمد جوهری.
شارکو فی حفل المذکور رئیس الاعلام و الثقافة. . .

أربعاء, ديسمبر 06 2023 10:11 صباحا
Background image

تم افتتاح المركز الثاني للتدريب على الأعمال التجارية عبر الإنترنت (الأعمال الحرة) في كابول

  افتتح نائب الوزير لشؤون الشباب بوزارة الإعلام والثقافة المركز الثاني للتدريب على الأعمال التجارية عبر الإنترنت في كابول.
   وقال قاري محمد يونس راشد في الجلسة الافتتاحية للمركز. . .

ثلاثاء, ديسمبر 05 2023 2:53 مساء
Background image

وفي بغلان بدأت لجنة إصلاح الأجهزة اللوحية والألواح عملها

 بدأت اليوم الثلاثاء (۲۱ جمادى الأولى ۱۴۴۵) أعمال اللجنة المشتركة لإصلاح اللوحات واللألواح في ولاية بغلان والتي تضم ممثلين عن مختلف الجهات.

 ويقول مولوي عبد الفتاح رحيمي مدير الإعلام. . .

BACK TO NEWS