لغمان کې د سیرت النبي (ﷺ) کتاب لوستنې سیالۍ پایلې اعلان شوې

wasim_admin
سبت, أكتوبر 24 2026 3:36 مساء
...

د لغمان د اطلاعاتو او فرهنګ ریاست او البرهان علمي او فرهنګي ادارې په ګډو همکاریو د سیرت النبي(ﷺ) کتاب لوستنې سیالۍ چې څه موده وړاندې د ۴۵۰ تنو ځوانانو ترمنځ ترسره شوې وه، پایلې اعلان او مخکښ ګډونوال یې په بېلابېلو ډالیو سره وستایل شول.
د اطلاعاتو او فرهنګ ریس مولوي عبدالنور رسولي وویل: د یادې سیالۍ موخه د حضرت محمد(ﷺ) د مبارک سیرت په اړه د ځوانانو معلوماتو زیاتول، د کتاب لوستلو فرهنګ پیاوړی کول او د اسلامي ارزښتونو عامول وو.
نوموړي د ورته سیالیو د اهمیت او د سیرت النبيﷺ د مطالعې د ګټو په اړه خبرې وکړې او زیاته یې کړه، چې د رسول الله (ﷺ) د مبارک سیرت مطالعه د مسلمانانو لپاره د ژوند په بېلابېلو برخو کې لارښود دی او د هغه له ژوند، اخلاقو، چلند او دعوت څخه زده کړه کولای شي، د ولسونو په فکري او اخلاقي اصلاح کې مهم رول ترسره کړي.
په غونډه کې نورو ویناوالو هم د کتاب لوستلو، د دیني معلوماتو د ترلاسه کولو او د نبوي سیرت د زده کړې پر اهمیت خبرې وکړې او ویې ویل: مطالعه د انسان د پوهې د زیاتوالي، د شخصیت د جوړونې او د مهمو ارزښتونو د پېژندلو لپاره مهمه وسیله ده.
د یادونې وړ ده، چې د سیالۍ لومړي مقام ګټونکي ته لپ ټاپ کمپیوټر، دوهم مقام ګټونکي ته یو عراده بایسیکل، دریم مقام ګټونکي ته قلمي قرآنکریم او په ترتیب سره نورو مخکښو ګډونوالو ته بېلابېلې ډالۍ ورکړل شوې.

۱۴۴۸/۵/۱۲ هـ ق

تازه ترین اخبار

أحد, نوفمبر 22 2026 2:24 مساء
Background image

رئيس شؤون الشباب يلتقي مسؤول مؤسسة WCC

التقى رئيس شؤون الشباب التابع للرئاسة العامة لحفظ الآثار الجهادية بوزارة الإعلام والثقافة، مولوي سيد محمد داود آغا هاشمي، مسؤول مؤسسة WCC بصير مياخيل، في مكتبه، وبحث معه سبل تعزيز. . .

سبت, نوفمبر 21 2026 3:31 مساء
Background image

تسليم جهاز من فترة الجهاد إلى رئاسة الإعلام والثقافة بولاية قندهار

أفاد مسؤول متحف الآثار الجهادية التابع لرئاسة الإعلام والثقافة بولاية قندهار، بأن جهازًا من فترة الجهاد سُلِّم إلى المتحف من قبل مولوي سيد أكبر مبرور، الذي سبق أن استخدم الجهاز خلال. . .

سبت, نوفمبر 21 2026 10:20 صباحا
Background image

توزيع كتاب «عقيدة أهل السنة والجماعة» على موظفي الإدارات المركزية التابعة لوزارة الإعلام والثقافة

وزّعت رئاسة الدعوة والإرشاد بوزارة الإعلام والثقافة كتاب «عقيدة أهل السنة والجماعة» لمقام القيادة حفظه الله، على موظفي جميع الإدارات المركزية التابعة للوزارة.
وقال رئيس الدعوة والإرشاد،. . .

BACK TO NEWS